________________
सिरिचंदरायचरिण
चउत्थो उद्देसो
॥१९३॥
___ इत्थं विहिअजुगाइदेवत्थुई चंदराओ विआरेइकहिं मम दुहावत्था, कत्थेसो विमलायलो ? । पुबपुण्णुदएणेयं जायं मे तित्थदंसणं ॥३८॥
तओ विसुद्धभावा ते दंपईउ जिणचेइआओ बाहिरं आगच्च तत्थ उवविढे चारणसमणं मुणिवई दट्टणं वंदिऊण य तम्मुहाओ धम्मुवएसं सुणेइरे, तं जहा -
धम्मेण कुलपसूई, धम्मेण य दिव्वरूवसंपत्ती । धम्मेण धणसमिद्धी, धम्मेण सवित्थरा कित्ती ॥३९॥ जत्थ य विसयविरागो, कसायचाओ गुणेसु अणुरागो । किरियासु अप्पमाओ, सो धम्मो सिवसुहोवाओ ॥४०॥ जाएण जीवलोगे, दो चेव सिक्खियब्वाई । कम्मेण जेण जीवइ, जेण मओ सुग्गई जाइ ॥४१।।
पूआ जिणिंदे सुरुई वएसुं, जत्तो अ सामाइअ-पोसहेसुं ।
दाणं सुपत्ते सयणं सुतित्थे, सुसाहुसेवा सिवलोगमग्गो ॥४२॥ जिणाणं पूअजत्ताए, साहूर्ण पज्जुवासणे । आवस्सयम्मि सज्झाए, उज्जमेह दिणे दिणे ॥४३॥
इअ धम्मुवएसं सोच्चा तो ते विमलायलगिरिरायं पदक्खिणं किच्चा नियजम्मं सहलं मण्णेइरे । इओ य एगा दासी धावंती विमलापुरिं गतूर्ण मयरज्झयनरवई वढावेइ-महाराय ! सूरिअकुंडपहावेण चंदराओ कुक्कुडत्तणं जहित्ता मणुअरूवेण पयडीहूओ, राया तं वयणं सोच्चा भूरिपमोअभरिओ तीए मुहाओ सवित्थरं तस्स सयलवुत्तंतं नच्चा पुक्खलेण दाणेण तं दासिं संतोसेइ, सव्वम्मि नयरम्मि इमा वट्टा गेहे गेहे पसरिआ, पउरा वि चंदरायं 'दिदिक्खवो पहिडमाणसा संजाया ।
१. दिदृक्षवः ।
॥१९३॥
Jan Education Internal
For Personal & Private Use Only
Jww.jainelorary.org:
