________________
सिरिचंदरायचरिण
चउत्थो
सो
॥१९॥
एगो हं नत्थि मे कोई, नाऽहमन्नस्स कस्सइ । एवं अदीणमणसो, अप्पाणमणुसासइ ॥ २६ ॥ एगो मे सासओ अप्पा, नाणदंसणसंजुओ। सेसा मे बाहिरा भावा, सव्वे संजोगलक्षणा ॥ २७ ॥ संजोगमूला जीवेण, पत्ता दुक्खपरंपरा । तम्हा संजोगसंबंध, सव्वं तिविहेण बोसिरिअं ॥ २८ ॥
एवं वियारंतो जुगाइनाहं च झायंतो भवविरत्तचित्तो सो पेमलालच्छीकराओ सहसा उड्डेऊण कुंडम्मि झंपं पयच्छेइ । पेमलालच्छी तस्स साहसं पासिऊणं संभतमाणसा वएइ-पक्खिराय ! तुमए एयं किं विहियं ?, अहं सिवमालाए कि उत्तरं दाहे ?, मायपिऊणं पि किं कहिस्सामि ? । थेवदिवससंबंधम्मि तए दीणवयणं सरणविरहियं मं चइऊणं एयं किं कयं ? । अहवा मईअसिणेहपरिक्खानिमित्तं तुमए इमं साहसं जइ विहिअं सिया, तइया 'जारिसी तुव गई तारिसी मम अत्थुति चिंतिऊण सा वि कासइ अकहिऊण तन्नेहपासनिबद्धा तग्गहणमिसेण कुंडम्मि निवडेइ । तं दट्टणं सव्वत्थ हाहाकारो संजाओ, पेमलालच्छी अकम्हा तं घेत्तुं उज्जया होत्था, तइया विमाऊए निबद्धो दवरगो जो जुण्णत्तणं उवागो सो दइव्वजोगेण तैक्करम्मि समागओ तुट्टिओ य । तयाणि सो कुक्कुडत्तणं जहित्ता दिव्वरूवधरो चंदराओ पयडीहूओ। तं दट्टणं सव्वे विम्हयं पावेइरे । तइया तक्खणेण सासणाहिट्ठाइगा देवी समेच्च ते दुण्णि बाहिरं उद्धरिऊण कुंडतडम्मि मुंचेइ । अह पेमलालच्छी लद्धसत्था नियं भत्तारं पेक्खिऊण अच्चंतहरिसं उवागया । विम्हयजणगो एसो वुत्तंतो खणमेत्तेण सव्वहिं पसरिओ, तहिं तित्थनिवासिणो सम्मबिट्टिदेवा ताणं उवरि पुप्फपुष्टिं चंदणच्छंटे अ विहेइरे, तित्थप्पहावो
१. दास्यामि । २. कस्यचित् । ३. तस्याः करम्मि ।
॥१९॥
Jein Education inten
For Personal & Private Use Only
www.janelibrary.org
