________________
सिरिचंदरायचरिए
॥१८॥
राओ कुक्कुडरायं निक्कासि करकमलम्मि ठविऊण सुहज्झाणरया गिरिवरं आरोहेड, कुक्कुडो गिरिरायं पेक्खिऊणं अच्चंतहरिसमुवागओ नियजम्मं सहलं मण्णेइ । कमेण आरोहंती समासाइयपहाणसिहरा सपरिवारा पेमलालच्छी सिवपयसिहरं पिव विरायंत आइणाहचेइअं पविसित्ता दिव्बप्पहा-पहासमाणं जुगाइ देवं वंदेइ, वंदिऊण अट्ठविहं पूअं कुणेह, तओ सा विविहथोत्तेहिं जिणिदं थुणेइ । विहियजुगाइदेवदंसणो कुक्कुडराओ अप्पाणं धणं मण्णमाणो जिणीसरदेवं झायंतो खणं तयज्झवसाणपरो जाओ, तओ सा पेमलालच्छी जिणच्चणं विहेऊण करगहीयकुक्कुडा जुगाइदेवचेइआओ बाहिरं निग्गच्छित्ता इयरचेइअसंठिआऽगण्ण जिणपडिमाओ वंदंती, चेइअपरिवाडीए य तिक्खुत्तो परिब्भमंती कमेण नवपल्लवगणालंकिय-रायणीरुक्खस्स समीवं उवागच्छेइ, तहिं च संथिआओ उसहपाउगाओ वंदेइ नमसेइ य । सो कुक्कुडराओ गिरिवरदंसणुल्लसियहियो अप्पकेरुद्धारं कंखमाणो मरगयमणिसरिसाइं भूमिपडिआई रायायणीपत्ताई चंचूए घेत्तूणं नियचंचुपुडं विभूसेइ । सा पेमलालच्छी परिवारसमेया जिणचेइअवंदणाइसव्वविहिं सम्मं विहेऊण जिणमंदिरस्स बाहिं जत्थ 'सूरिअकुंडं अत्थि तं पासिउं समागच्छइ, तत्थ आगया सा विमलजलभरिअं दिणयरकिरणवियसिअपंकयपयरपरिमंडियं मूरिअकुंडं पासेइ, करकमलम्मि कुक्कुडरायं धरंती सा पेमलालच्छी अईव-गहीरजलत्तणेण समयारसभरियं कुंडं मण्णमाणी तज्जलसंफरिसिअ-समागय-सीयलसुरहिपवणं निसेविउं कुडंतीरम्मि निसीएइ। अह कुक्कुडराओ वि अदिट्टपुव्वं तं सूरिअकुंडं विलोइअ पुव्वं संपत्तपरमपमोओ अप्पणो अवत्थं वियारेइ
१. सूर्यकुण्डम् ।
l૨૮વા
in Education
IN
For Personal Private Use Only
www.jainelibrary.org
