________________
सिरिचंदरायवरिप
॥१६५॥
Jain Education International
वारिओ विन चिट्टि, तओ एयं गूढवहं सो न जाणेज्जा तहा पयट्टियव्वं । सेवगा मंतिनिद्देसं अंगीकाऊणं नयरे भमिऊण भमिऊण सव्वे कुक्कुडे घेत्तणं अण्णगामेसु तह पेसवित्था जह एसो वृत्तंतो लीलाहरेण न वियाणिओ । रयणीपज्जंतम्मि गहिअसयलसाहणो सज्जीहोऊण कुक्कुडसरसवणे सावहाणो होत्था, अवि उपयाणं काउं इच्छंतेण तेण कुक्कुडसदो न सुणिओ, नियमणंसि सो चिंतेइ - पयाणसमयम्मि अंतरायविहायगो कुक्कुडो कहं न बवेइ ? अज्ज पयाणं तु अवस्सं विहेयव्वं, तओ सो पयाणं काउं उस्सुगमणो जाओ, 'जओ मूढा मुहं असुहं च मुहुत्तं न गणेइरे' । तया मंती वएड - 'सुहफलदायगं कुक्कुडसरं निसमिऊणं पयाणं विहेयव्वं' ति नेमित्तियवयणं अवस्सं माणणीअं चेव इअ कहिऊण तं निरुंभेइ । लीलाहरो वि सुहमुहुत्तं विणा पयाणं सहलं न होहिइ इअ वियाणित्ता पयाणाओ विरओ । लीलावई विनियसामिणो संणिहिम्मि संठिआ खणं पि तं दूरं न विहेइ, 'कुसलजणा नियकज्जसाहणम्मि सइ पमायविरहिआ हुति' । एवं मंतीसरो मइपहावेण तं नियघरम्मि मासछक्कं जाव रक्खेइ, तह वि लीलाहरस्स चित्तं विएसगमणे तहेव तिव्वं उक्कंठि चिह्न, तह य सो कुक्कुडसरे असुए पयाणं पि काउं न सक्केइ । एयम्मि समए परिभमंतं तं नडवुदं तम्मि पुरम्म समायं, पडहदुंदुहिनिणाएण दिसिमंडलं गज्जंता ते नडा निवंतिगं गंतूणं निवासाय उत्तारगं मग्गेइरे । निवेण वि मंतिगिहासण्णम्मि ताणं निवासणङ्कं ठाणं दिण्णं, नडेहिं तर्हि उत्तारगो विडिओ, ताणं च सेणिगा नयराओ बाहिरं सरोवरतीरम्मि पडमंडवे ठविऊण निवासं कुणेडरे । तओ ते विहियभोया अवणीअपरिस्समा धरियसुनेवत्था गहियकुक्कुडरायनिसा संझासमयम्मि नरिंदसमीवम्मि समागया ।
For Personal & Private Use Only
बीओ उसो
॥१६५॥
www.jainelibrary.org
