________________
सिरिचंदरायचरिप
॥१६॥
ज्जइ, तस्स मंतिणो रूवगुणमंजसा चंदवयणा मंजसा नाम पत्ती अस्थि, तीए पुत्ती जोवणेण दिप्पमाणा रमणीअरूवगुणविहूसिआ लीलावई 'अभिहा समत्थि, एयं दणं अज्जवि अच्छरगणो अणिमेसत्तणं पत्तो, संपत्तजोवणं तं दट्टणं सुबुद्धी मंती तन्नयरसेट्ठिणो धणयस्स नंदणेण लीलाहरेण सद्धिं परिणावेइ । सरिसगुणसीला रईमयणसरिसा ते दंपईउ अणुवमसुहभोगिणो संजाया । ते बहुविहाई भोगाई झुंजता दोगुंदुयदेवा विव गयं पि कालं न जाणेइरे। अह एगया हीणपुण्णो कोवि दमगो लीलाहरस्स समीवम्मि किंपि मग्गणटुं समागओ, तइया स-कज्ज-बाउलचित्तो सो तं बहुं तिरक्करेइ । सो कोहाउलो वएइ--
सेट्रिपुत्त ! तुम गव्वं, मा विहेहि धणंधिओ । दमगो वि तुमत्तो हं गुणेहिं अस्सि उत्तमो ॥८७॥ स-हत्थऽज्जियदव्वेण, वहामि जीवणं सया । जणगऽज्जिय-वित्तेण, तुमं विलससे इह ॥८८॥ तम्हा मुहा बहुं गव्वं, मा कुण दव्वमोहिओ । तारिसो हं परायत्तो, नेव म्हि नीइवज्जिओ ॥८९॥ गिहागयं च जो मूढो, तज्जेज्जऽब्भागयं जणं । सोऽहमो दुक्कडं तास, गिण्हेइ केवलं जडो ॥९॥
किंच जो पिउणा उवज्जियधणेण विलासं कुणेइ से जीवियं धिरत्यु, परज्जियसंपयाहिं को सुहं न मुंजेज्जा ?, सो उ मुरुक्खो वियाणियव्वो, जाव तुव जणगो जीवइ ताव तुं चिंताविरहिओ विलसेसि, धणजोव्वणमएण अवलित्तो तुं पमत्तो जाओ सि, धणजोव्वणं तु अविवेगवंताण अणट्ठदायगं, जओ
जोवणं धणसंपत्ती, पहुत्तं अविवेगिया । इक्विक्कं पि अणदाय, किमु जहिं चउक्कयं ॥९१॥
॥१६॥
१. अभिधा-नाम । २. तस्य ।
Jan Education
al and
For Personal & Private Use Only
V
ww.janelorary.org
