________________
सिरिचंदरायचरिण
बोओ उद्देसो
॥१२८॥
'करआवत्तइ जो पंचमंगलं साहुपडिमसंखाए । नववारा आवत्तइ, छलंति तं नो पिसायाई ॥३५।। एसो मंगलनिलओ, भवविलओ सव्वसंतिजणओ अ । नवकार-परम-मंतो, चितिअमित्तो सुहं देइ ॥३६॥ अप्पुब्बो कप्पतरू, एसो चिंतामणी अपुवो अ । जो झायइ सयकालं, सो पावइ सिवसुहं विउलं ॥३७॥ जो गुणइ लक्खमेगं, पूएइ विहीइ जिणनमुक्कारं । तित्थयरनामगोअं, सो बंधइ नत्थि संदेहो" ॥३८॥ ___एवं नमुक्कारमाहप्पं वियारंती कइ वि वासरे सुहेणं जवित्था । अह अण्णया नमुक्कारमंतज्झाणपहावाओ तुहिँ आवण्णा सासणदेवया पयडीहोऊण पेमलालच्छि भणित्था-धम्मबहिणि ! तुव भत्ता लग्गदिवसाओ सोलसवरिसपज्जंते तुमं मिलिस्सइ, तओ तुमए कावि चिंता न कायव्वा, पंचपरमेट्ठीणं च भत्ती सब्भावओ तए पच्चहं विहेयवत्ति वोत्तूणं सासणदेवी अदंसणीहूआ । तओ पेमलालच्छी वियसियमाणसा लज्जं चइत्ता नियमायापिऊणं पुरओ देवीवयणं निवेई । तं सुणिऊणं मायपिअरा अवि चिंताविरहिआ जाया । तो पभिई पेमलालच्छी वि वियाणियनमुक्कारमहामंतपहावा विसेसेण तं चिय झायंती सया जिणचेइअदंसणवंदणच्चणेसु तह जहसत्तिं तव-पच्चक्खाणविहाणाइधम्मकिच्चेसु समुज्जया हुवी।
अह एगया वीणाविराइअकरकमला काई जोगिणी चक्कम्मंती तत्थ समायाया, सा विणिज्जियकोइलरवा महुरसरेण वीणं वाइउं पउत्ता । पेमलालच्छी तं नियसमीवम्मि आहविऊण भणिअ-भइणि ! भगवईए कत्थ निवासो ? । जोगिणी वएइ-पुव्वदेसम्मि अहं निवसामि, तुव किं पओयणं अत्थि ?, इअ कहि
१. करावर्त्तयते । २. अयापयत् । ३. भ्रमन्ती ।
४॥१२॥
Jan Education intery
For Personal & Private Use Only
Y
ww.jainelorary.org
