________________
सिरिचंदरायवरिप
॥७९॥
दीसइ, एरिसं रूवं एयम्मि कह.संभवेज्जा ?, पुणो अण्णे व हेइरे- अम्हे हिं कणगझओ नदिट्टो, कवल मुणियमेत्तो जारिसो सो सुओ तारिसो एसो तेयसी दीसइ.। एरिसापुव्वरूवसोहिर-वरसंपत्तीए अम्हाणं रायकण्णा भूरिपुण्णमंती णज्जइ, इमस्स जणणी वि पसंसारिहा जं एरिसं पुत्तरयणं पसवी । अहो ! अस्स रूवलायण्णं, अस्स पुरओ देवरूवम्स का गणणा ?, एवं वयंतेसु जगसमूहेसु सो वरघोडओ सणियं सणियं पयलंतो जणचित्ताई रंजितो य मंडबुवकंठम्मि समागओ, पमयाजणो वि पगिट्टपमोयपुव्वयं मंगलगीयाई दुगुणियसरेण गाउं पउत्तो, तओ वरराओ तुरंगरयणाओ उत्तरिऊण तोरणस्ससंनि हिम्मि संठिओ । अह पूअणपत्तकरा सधवजुवईहिं परियरिआ सासू तर्हि समागया समाणा गुरूवदि टेण विहिणा पुंखिऊण वरं मंडबमज्झम्मि नेसी । तओ वरो माइहरम्मि गंतूण उवविट्ठो। एत्थंतरम्मि सहीहि विविहालंकारविहसाबरनेवत्थेहि सज्जिया पेमलालच्छी बंदणमालालंकरियवेडगाभवणम्मि समागया। तो तत्थ ताणं महिइढीए पाणिग्गहणविही पवट्टीअ, उभण्डं समुइयसंबंधं निरिक्खित्ता लोगा मिहो वयासी-इम वरकण्णामिहुणं पज्जुण्णरइसरिसत्तणं अणुसरेइ. जगणाहो एयाणं सोहग्गं अखंड रक्खेज्जा । तयाणि वीरमई गुणावली य एए दुण्णि नयरम्मि भमिऊण भमिऊण वरं पेक्खिउं वरमंडवम्मि, समागंतूण अणिमेसदिट्टीए तं विलोइउंलग्गा, ताव तत्थ चत्तारि मंगाई पवट्टियाई होत्था, विवाहविही वि संपुण्णो संजाओ.. तया गुणावली नियसासु वएइ-अम्मे ! इमो वरो अम्हाणं परिइओ कक्खिज्जइ, पाएण एसो तुव पुत्तो चेव विज्जइ, इत्थं तीए वयणं असंभव्वं मन्निऊणं तम्मि सा लक्खं न दासी, पुणो वरं सम्म
१ रञ्जयन् । २ मातृगृहे-मायरामा । ३ परिचितः।
॥७॥
Jan Education international
For Personal & Private Use Only
www.jainelibrary.org
