________________
तेणावि जण्णदेवो, आलविओ पणयसारवयणेहिं । सक्कारिय सम्माणिय, पट्टविओ निययभवणम्मि ॥७८।। जाओ जणप्पवाओ, धन्नो एसेव सत्यवाहसुओ। अवयारपरे वि नरे, इय जस्स मई परिप्फुरइ ॥७९॥ वेरग्गमग्गलग्गो, कयावि सिरिअग्गिभूइगुरुपासे । गिइ चक्कदेवो, दिक्खं दुहकक्खदहणसमं ॥८॥ बहुकालं परिपालिय, सामण्णं सो अणनसामण्णं । जाओ अजिंभवंभो, नवअयराऊ सुरो बंभे ॥८१॥ तत्तो चइय विदेहे, अरिअजिए मंगलावईविजए । बहुरयणे रयणउरे, सत्थप्पहुरयणसारस्स ॥८२॥ सिरिमइपियाइ जाओ, चंदणसारु ति नंदणो तस्स । कंता य चंदकंता, दुवे वि जिणधम्मपरिकलिया ॥८३॥ मरिउंस जण्णदेवो वि दुचपुढवीए नारओ जाओ । पुण आहेडयसुणओ, भविउं तत्थेव उववन्नो ॥८४॥ तत्तो भमिय बहुभव, जाओ सो रयणसारदासिसुओ। अहणगनामा पीई, पुवुत्ता तेसि संजाया ॥८५॥ अन्नदिणे रयणउरं, दिसिजत्ताए गयम्मि निवइम्मि । सबरवई विंझकेऊ, भंजिय गिहइ बहुं दव्वं ।।८६।। हरिया य चंदकता, सेसजणो को वि कत्थ वि य नट्ठो । आवासिओ य चलिओ, सबरवई जिष्णकूवतडे ॥८७॥ वोलीणे सयलदिणे, निसावसेसे पयाणकालम्मि । अइरहसवसपुरक्खडनियनियकिच्चेसु भिच्चेसु ।।८।। उत्तालकाहला तरलबहलरवपसरभरियनहविवरे । अग्गाणीयम्मि वहतयम्मि दीणे य बंदियणे ॥८९|| सा चंदणपाणपिया, सलीलनियसीलखंडणभएण। पंचनमुक्कारपरा, झंपावइ तम्मि कूवम्मि ॥९॥ भवियव्ययानिओगा, पडिया तीरम्मि जीविया तेण । पडिकूवयम्मि ठाउं, गमेह सा वासरे कइ वि ।। ९१॥ रुक्न °ग । दक्खं ख ।
१
१६
Jain EducaticIOXIT
For Private
Personel Use Only
