________________
38
&&&&&&XXXXXXXX
पढमेण माणुसुत्तरनग स नंदीसरं तु बीएणं । एइ तओ तइएणं, कयचेइयवंदणो इहयं ॥११॥ पढमेण नंदणवणे, बीउप्पाएण पंडगवणम्मि । एइ इहं तइएणं, जो विज्जाचारणो होइ ॥११६।। आसी दाढा तग्गयमहाविसाऽऽसीविसा भवे दुविहा । ते कम्मजाइभेएण, णेगहा चउविहविगप्पा ॥११७॥ खीरमहुसप्पिसाओवमाणवयणा तयासवा हुंति । कुट्टयधनसुनिग्गलसुत्तत्था कुट्टबुद्धी य ॥११८॥ जो सुत्तपएण बहुं, सुयमणुधारइ पयाणुसारी सो। जो अत्थपएणऽत्थं, अणुसरइ स बीयबुद्धी उ ॥११९॥ समओ जहन्नमंतरमुक्कोसेणं तु जाव छम्मासा । आहारसरीराणं, उक्कोसेणं नव सहस्सा ॥१२०॥ चत्वारि य वाराओ, चउदसपुव्वी करेइ आहारं । संसारम्मि वसंतो, एगभवे दुण्णि वाराओ ॥१२१॥ तित्थयररिद्धिसंदसणत्थमत्थोवगहणहेउं वा । संसयवुच्छेयत्थं, गमणं जिणपायमूलम्मि ॥१२२॥ समणीमवगयवेयं, परिहार पुलायमप्पमत्तं च । चउदसपुब्बि आहारगं च न कयाइ संहरइ ॥१२३॥ वेउब्बियलद्धीए, अणु व्व सुहुमा खणेण जायंति । कंचणगिरि व्व गुरुणो, लहुदेहा अक्कतूलं व ॥१२४॥ पडओ पडकोडीओ, पकुणंति घडाउ घडसहस्साई । चिंतियमित्तं रूवं, कुणंति भणिएण किं बहुणा ? ॥१२५।। अंतमुहुत्तं नरएसु, हुंति चत्तारि तिरियमणुएसु । देवेसु अद्धमासो, उक्कोसविउबणाकालो ॥१२६॥ अक्खीणमहाणसिया, भिक्खं जेणाणियं पुणो तेण । परिमुत्तं चिय खिज्जइ, बहुएहिं वि न उण अन्नेहिं ॥१२७॥ भवसिद्धियपुरिसाणं, एयाओ हवंति भणियलद्धीओ। भवसिद्धियमहिलाणवि, जत्तिय जायंति तं बुच्छं ॥१२८॥
Jain Education in
For Private Personel Use Only
Kolhinelibrary.org
