________________
Jain Education
भो सुपुरिस ! बुद्धो हं, तुज्झ पसाएण गिरिहहं दिक्खं । किं तु मह तायपमुहा, बहवे इह बन्धवा संति ॥८८॥ जइ तेसिं पडिबोहो, जायइ तो हं भवामि कयकिच्चो । ता उवइससु गुरुं मे, अह हिट्ठो भणइ खयरिंदो ॥ ८९ ॥ अत्थि बुहनामसूरी, जलभरभरियंबुवाहसमघोसो । जइ एइ कहवि सो इह, तो पडिबोहिज तुह बन्धू ॥९०॥ कुमरेण तओ भणियं, सो दिट्ठो कत्थ ते महाभाग ! । सो आह इहुआणे, जिणभवणासन्न भूभागे ॥९१॥ जं अमी, सपरियणेणागरण मे इत्थ । पविसंतेणं जिणमंदिरम्मि दिद्धं सुमुणिविंदं ॥ ९२ ॥ तस्य मज्झे एगो, साहू मसिअसिलयाकसिणदेहो । पिंगलसिरचिहुरभरो, सेलु ब्व जलंतदवजलणो ॥९३॥ आखु व्व लहुयकष्णो, दुट्ठविरालु व्व पिंगनयणजुओ । पवगु व्व चिविडनासो, मिय व्व अइदीहकंठुट्ठो ॥९४॥ लबोयरो व्व धूलोयरो य उब्वेगजणगरूवधरो । धम्मं वागरमाणो, दिट्ठो महुमहुरसदेणं ॥ ९५ ॥
तं असरिसगुणजुत्तं दद मे चिंतियं इमं हियए । जह एयस्स भगवओ, गुणाणुरूवं न रूवं ति ॥९६॥ तो पविसिय जिणभवणं, जिणपडिमं हविय पूइऊणं च । खणमित्तेणं साहूण, वंदणत्थं विणिक्खतो ॥९७॥ ता सो चैव वरमुणी, उवविट्ठो विमलकणयकमलम्मि । रइमुक व्व अणंगो, ससहर इव रोहिणीरहिओ ॥ ९८॥ भासुरसुवण्णवण्णो, तणुष्पहापडलहणियतमपसरो । अलिउलकज्जल केसो, सुसिलिट्ठपलंबसवणजुगो ॥९९॥ नीलुप्पलदलनयणो, अइउन्नयसरलनासियावंसो । कंबुविडंबिरकंठो, नवपल्लवअरुण अहरुट्ठो ॥१००॥ केसरिकिसोरउयरो, बिसालवच्छयलजणियकणयसिलो । सुरकिन्नरपरियरिओ, दिट्ठो दिट्ठीइ सुहहेऊ ॥१०१॥
For Private & Personal Use Only
ainelibrary.org
