________________
लहु मुंचसु इय रण्णा, वुत्तो सो वित्तिणा समाणीओ । नमिय निवं उवविट्ठो, समए इय भणिउमारद्धो॥८॥ देव ! सिरिधणयनरवर ! तुम्हं पइ जपए अमरचंदो । अम्ह पहू अस्थि महं, वरधूया जसमई नाम ॥९॥ सा तुह सुयस्स विमलं, गुणनिवहं खेयरीहि गिझंतं । आयण्णिऊण सुइरं, अच्चंतं तम्मि अणुरत्ता ॥१०॥ किं च तयं चिय मित्तं व, कमलिणी निच्चमेव झायंती । परिचत्तकुसुमतंबोलमाइ कहकहवि गमइ दिणे ॥११॥ जा अज्जवि सा बाला, तणं व न हु चयइ जीवियं निययं । ता तुम्भेहिं नरवर , पुव्वसिणेहाभिवुड्डिकए ॥१२॥ सहला किजउ अम्हाण, पत्थणा पेसिउं नियं तणयं । तीए गिण्हाविजउ, वरलक्षणलक्खिओ पाणी ॥१३॥ अह मइविलासवरमंतिवयणमवलोयए निवो सोवि । विणएण भणइ सामिय !, जुत्तमिणं कीरउ पमाणं ॥१४॥ जं भणह तयं कुणिमु त्ति, निवइणा जंपिए पहाणनरो। सो पत्तो निवदिन्ने, आवासे फुरियगुरुहरिसो ॥१५॥ तो रण्णाऽणुण्णाओ, अणेयसामंतमंतिमाइजुओ । सो कुमरो संचलिओ, अखलियचउरंगवलकलिओ॥१६॥ संपत्तो अइदूर, पहम्मि सिद्धउरनयरबाहिम्मि । मुच्छामीलियनयणो, सो पडिओ रहबरुच्छंगे ॥१७॥ अह मज्झिमखंधारे, सहसा कोलाहले समुच्छलिए। मिलिओ अग्गिमपच्छिमखंधारजगो तहिं सव्वो ॥१८॥ तो मंतिमाइणो तं, महुरालावेहिं आलवंति भिसं । कटुं व विगयचिट्ठो, न किंपि पडिजंपए कुमरो ॥१९॥ आदन्ना ते सव्वे, विविहोसहमंततंतमणिपमुहे । पकुणंति बहुवयारे, न य से जायइ गुणो कोवि ॥२०॥ किंतु पवड्डइ अहियं, वियणा वियलंति सयलअंगाई । तो मंतिमाइलोओ, करुणसरं पलवए एवं ॥२१॥
Jain Educata XXXII
For Private Personel Use Only
Marjainelibrary.org
