________________
*******
*********
जंपइ जिणो विदेहे, आसी पुंडरिगिणीइ नयरीए । विजओ नाम कुमारो, सणंकुमारो इव सुरूवो ॥२७॥ सो कइआवि सभवणे, भुवणगुरुं गुरुगुणोहकयसोह । जुगबाहुं जिणनाह, भिक्खाइ कए नियइ इंतं ॥२८॥ तो झत्ति चत्तवित्तासणो गओ सम्मुहं सगट्ठपए । तिपयाहिणीकरित्ता, वंदइ तं भूमिमिलियसिरो ॥२९॥ भणइ य सामिय! आहारगहणओ मह करेसु सुपसायं । दवाइसु उवउत्तो, जिणोवि पाणी पसारेइ ॥३०॥ अह सो विजयकुमारो, हरिसभरुम्मिन्नबहुलरोमंचो । विष्फारियनयण जुओ, वियसंतपसंतमुहकमलो ॥३१॥ आहारेण वरेणं, पडिलाभइ परमभत्तिसंजुत्तो । कयकिच्चं अप्पाणं, मन्नतो मणवइतणूहि ॥३२॥ चित्तं वित्तं पत्तं, तिन्निवि एयाई लहिय दुलहाई । पडिला तेण तया, समज्जियं तेष फलमेयं ॥३३॥ पुण्णाणुबंधि पुण्णं, उत्तमभोगा य सुलहबोहित्तं । मणुयाउयं च बद्धं, कओ परित्तो य संसारो ॥३४॥ अण्णं च तहिं तइया, पाउम्भूयाई पंच दिव्याई । पहयाउ दुंदुहीओ, चेलुक्खेवो सुरेहि कओ ॥३५॥ मुक्का हिरनवुट्ठी, बुट्ठी कुसुमाण पंचवप्णाणं । गयणंगणम्मि घुटुं, अहो सुदाणं सुदाणं ति ॥३६॥ रायप्पमुहो लोओ, मिलिओ बहुओ य तत्थ तेणावि । सो विजओ विजियमओ, पसंसिओ हरिसियमणेण ॥३७॥ भुत्तूण बहुं कालं, विजओ भोए समाहिणा मरिउं । लोयपियाइगुणजुओ, जाओ सो भद्दनंदि ति ॥३८॥ पुच्छइ पुणिंदभूई, किं एसो गिहिही समणधम्मं । भणइ जिणो गिहिस्सइ, समयम्मि समाहिओ सम्मं ॥३९॥ विहरइ अन्नत्थ पहू, कुमरो वि हु कुणइ सावयं धम्मं । अणुकूलविणीयसुधम्मसीलपरिवारपरियरिओ ॥४०॥
*****
स
For Private
Personal Use Only
www.jainelibrary.org
