________________
अह परिपालइ रज्ज, पुरन्दरो दरियवइरिबलदलणो । अप्पुब्वचेइयाई, जिण्णुद्धारे य कारन्तो ॥२५॥ साहम्मियवच्छलम्मि उज्जुओ निज्जिओ न करणेहिं । पालतो य पयाओ, पयाउ इव वसणवारणओ ॥२६॥ कइयावि सो नरिन्दो, बन्धुमईसंजुओ सपरिवारो। उल्लोयणोपविट्ठो, जा पिच्छइ निययपुरसोहं ॥ २७॥ ता बहुयडिंभनियरेहि वेढिओ कोढिओ ब्व मच्छीहिं । धूलीधूसरदेहो, निम्मियअइबहुलहलबोलो ॥ २८ ॥ दंडी खंडनिवसणो, द्धो धावंतओ चउदिसासु । दिट्ठोस मित्तविप्पो, जेणं नाराहिया विज्जा ॥२९॥ तं उवलक्खिय सरिया, विज्जादेवी निवेण इय भणइ । गुणिजणउवहासपरो, विज्जाइ विराहयो य इमो ॥ ३० ॥ तो कुवियाए वि मए, तुह दक्खिन्नेण मारिओ न इमो । सिक्वामित्तमिणं पुण, महराया विनवइ एवं ॥३१॥ जइवि इमो एरिसगो, तहावि सज्ज करेसु तं देवि!। काऊण मह पसायं, खमेसु एयं तु अवराहं ॥ ३२ ॥ ता देवी तं विप्पं, सज्जीकाउं अदंसणं पत्ता । सक्कारिय जहउचियं, रन्ना वि विसज्जिओ एसो॥ ३३ ॥ इत्तो य चिरं कालं, पालिय अकलंकचरणकरणगुणो । सो विजयसेणसमणो, अणंतसुक्खं गओ मुक्खं ॥ ३४॥ राया पुरंदरो विहु, सिरिगुत्तं नंदणं ठविय रज्जे । सिरिविमलबोहकेवलिपयमूले गिण्हइ चरितं ॥ ३५॥ जाओ कमेण गीओ, एगल्लविहारपडिमपडिवन्नो । कुरुदेसट्टियगामस्स बाहि आयावणापरमो ॥ ३६॥ संठवियरुक्खपुग्गलदिट्ठी सुज्झाणलीणपरमप्पा । जा चिट्ठइ स महप्पा, वज्जभुएणं तु ता दिट्ठो॥ ३७॥ तो कुविओ पल्लिवई, रे रे तइया मलित्तु मह माणं । गच्छिहिसि कत्थ इण्हि, इय भणिय स निठुरं पायो ॥ ३८॥
KRAKRA ABHAR***
*
Jain Education will
For Private Personel Use Only
Pollainelibrary.org
