________________
***
*****************
इअ असमसुहडभावं, बंधुमई पिच्छिरी निवसुयस्स । विद्धा मयणेण सरेहि खेयरो पुण कुमारेण ॥१९॥ गाढप्पहारविहुरो, खयरो सहस त्ति निवडिओ धरणिं । पवणाइणा पउणियं, निवपुत्तेणं पुणो भणिय ॥१०॥ उद्वेसु सुहड ! गिण्हसु, धणुमतणुबलो हवेसु रणसज्जो । काउरिस चिय जम्हा, न संठवंते पुणो अप्पं ॥१०॥ तो अणुवमसुहडत्तणहयहियओ खेयरो भणइ कुमरं । तुह किंकरु चिय अहं, जं उचियं तं समाइससु ॥१०२॥ चिंतइ नरिंदधूया, सुहडा वुचंति ति च्चिय जयम्मि । जे थुव्वंते एवं, दप्पुद्धरवइरिवग्गेण ॥१०३।। अह तं बालं आसासिऊण गहिउं च जा निवंगरुहो । नंदिपुरं पइ चलिही, ता भणियं मणिकिरीडेण ॥१०॥ अज्जप्पभिई भगिणी, बंधुमई तं च कुमर ! मह सामी । ता पसिय नियपएहिं, लहु मह नयरं पवित्तेसु ॥१०५॥ दक्विन्नसारयाए, गंधसमिद्धं पुरं गओ कुमरो । निवतणयाइ समेओ, तेण कया गरुयपडिवत्ती ॥१०६॥ तत्तो नरिंदपुत्तो, जुत्तो खयरेण निवसुयाए य । पवरविमाणारूढो, पत्तो नंदिउरआसन्नं ॥१०७॥ बद्धाविओ य गंतुं, एगेणं खेयरेण सूरनिवो । सो गुरुसामग्गीए, चलिओ कुमरस्स पचोणिं ॥१०८॥ तो विहियहट्टसोहे, पुरे पविट्ठो महाविभूईए । कुमरो कुमरी य तहा, ओयरिउं वरविमाणाओ ॥१०९॥ पणया य निवइचरणे, तेणवि अभिनंदिया पहिडेण । सव्वो रन्नो सिट्ठो, खयरेणं कुमरवुत्तंतो ॥११॥ अइहरिसपरवसेणं, सूरनिवेणं पुरंदरो तत्तो । बंधुमइपाणिगहणं, कराविओ गुरुविभूईए ॥११॥ वरपासायतलगओ, मणइच्छियसयलविसयदुल्ललिओ। दोगुंदुगु व्व अमरो, कुमरो अक्कमइ बहुकालं ॥११२।।
विओ य गर, पुरे पत्रित अभिनंदिया । धुमपाणि दोगुंदुगुच्छ
Jain Educat
i on
For Private Personel Use Only
jainelibrary.org
