________________
एवं निसामिऊणं, तिलोयणं पइ भणेइ सोमवसू । परमत्यवत्थुपयडणनिउणस्स नमो हबउ तुज्य ॥ ५२ ॥ पभणइ बुहोवि भो भद्द ! तं सिधन्नो सुलक्खणो तं सि । अवितहधम्मवियारं, जो एवं नियसि मात्थो ॥५३॥ अह पुच्छिऊण विबुहं, तग्गेहाओ विणिग्गओ एस । अइसुद्धधम्मगुरुलाभलालसो नालसो जाव ॥५४॥ पुन्बुत्तजुत्तिजुत्तं, आहारं फासुयं गवसंते । जुगमित्तनिहियनयणे, जिणमयसमणे नियइ ताव ।। ५५ ॥ तो चिंता सो हिट्ठो, मयं पुण्णा मणोरहा सम्वे । कप्पतरुणु व गुरुपायसंगया जं इमे दिवा ॥ ५६ ॥ तिर्सि पिट्ठीइ गओ, आरामे बंदिउं सुघोसगुरुं । पुट्टो पयतिगअत्थो, कहिओ सूरीहि वि तहेव ॥ ५७ ।। नाओ पढमपयत्थो, मुणिजणआहारगहणओ चेव । सेसपयजाणणत्थे, तत्थेव ठिओ य सो रतिं ।। ५८ ॥ आवस्सयाइ काउं, भणिउं पोरिसिमणुनविय सूरिं । आगमविहिणा सुत्ता, मुणिणो गुरुणो पुणुट्ठित्ता ।। ५९ ।। उवउत्ता वेसमणझयणं परियट्टि लहु पयट्टा । चलियासणो कुबेरो, समागओ तत्थ तब्वेलं ॥६॥ तं निसुणइ एगग्गो, माणसमत्तीइ नमिय गुरुचरणे । जंपेइ वरेसु वरं, भणइ गुरू धम्मलाहो ते ॥ ६१ ।। तो अइहरिसियहियओ, भासुरदिपंतकंतरूवको । नमिऊणं गुरुपाए, पत्तो धणओ सयं ठाणं ॥ ६२ ॥ त दह पहिट्ठमणो, सोमवसू लद्धसुद्धधम्मवसू । चिंतह अहो भयवओ, तिजयपसिद्धं निरीहतं ॥ ६३ ।। साहिय नियत्तत्तो, दिक्वं गिण्हइ सुघोसगुरुपासे । मज्जत्थसोमदिही, कमेण जाओ सुगइभागी ॥ ६४ ॥
Jain EducationaNerior
For Private & Personel Use Only
Pjainelibrary.org
