________________
RSSXXXEXECXEXXEMEXIKEKK
तेसि निसुणिय अगणिय-दुहदंदोलिं विसुद्धसंवेगो । पभणइ भनीए दंडपासिओ वासिओ हियए ॥१२५।। भयवं ! म नित्थारसु, इमाउ भवभीमकूवकुहराओ । गिहिधम्मवरत्ताए, निप्फनाए गुणगणेहिं ॥१२६।। तो साहुणा तलवरो, सावयधम्मस्स भायणं विहिओ। पंचपरमिट्टिमंतं, निन्भंतं तह य सिक्खविओ ॥१२७।। अह तेहि कुक्कुडेहि वि, तं मुणिवयणं फुडं सुणंतेहिं । पत्नं जाईसरणं, तहेव गिहिधम्मवररयणं ॥१२८|| अइनिव्वेयपरेहि, संविग्गमणेहिं हरिसविवसेहिं । महया महया सद्देण, कूइयं तं सुयं रण्णा ॥१२९।। अह मह सरवेहितं, जयावलि निययदेविमिय भणिउं । नरवडणा इगइसुणा, ते दोवि हया गया निहणं ॥१३०॥ गम्मे जयावलीए, पुत्तत्ताए सुरिंददत्तजिओ । तेसुववन्नो एगो, बीओ पुण पुत्तिभावेण ॥१३॥ गम्भणुभावा देवी, हिंसापरिणामविरहिया सुहिया । जिणपवयणसवणमई, संजाया अभयदाणरई ॥१३२॥ नीसेसजीवअभयप्पयाणपउणो य डोहलो तीसे । नयरे पयंडेउ अमारिघोसणं पूरिओ रण्णा ॥१३३॥ कालक्कमेण देवी, पसवेइ जुगलिणि व्य वरजुगलं । तो कारवियं नयरे, निवेण वद्धावणं गरुयं ॥१३४॥ अह वारसम्मि दिवसे, ठवियं कुमरस्स अभयरुह नामं । कुमरीए अभयमइ, ति दो वि वदति सुहसुहओ ॥१३५।। निम्मलकलाकलावा, कमेण जुब्वणमणुत्तरं पत्ता । ता हट्टतुट्ठचित्तेण, राइणा चिंतियं एवं ॥१३६।। सामंताइसमक्वं, जुवरजपए ठवेमि कुमरमहं । कुमरीइ रूवविजियामरीइ कारेमि वीवाहं ॥१३७।। इय चिंतिऊण पत्तो, पारद्धिकएऽभिराममारामं । छिको य सुरहिपवणेण, पिच्छए मयलदिसिचकं ॥१३८॥
CCCCCCC
Jain Education
For Private & Personel Use Only
Mainelibrary.org
