________________
तो उज्जेणिपुरीए, मेसो छगली य ते समष्पन्ना । पारद्धिपसत्तेणं गुणहररण्णा कयावि हया ।।९७॥ तत्थेव पुणो जाया, मेसो महिसो य गुणहरनिवेण । अइमसलोलुएणं, किच्छेण हणाविया कइया ॥९८॥ भवियबयावसेणं, पुणरवि तत्थेव ते विसालाए । मायंगपाडयम्मी, उववन्ना कुक्कुडीगम्भे ॥ ९९ ।। तीए कुकुडियाए, दुद्दविरालेण खज्जमाणीए । भीयाइ अंडगदुर्ग, परिगलियं कयवरस्सुवरि ॥१०॥ इत्तो य तेसिमुवरिं, डुंबीए कज्जओ परिवविओ । तसुण्हाए हाए कमसो, कुक्कुडपाया दुवे जाया ॥१०१ ॥ तेसि पिच्छाई चंदचंदिमाधवलयाई जायाई । चूला य समुन्भूया, सुयमुहगुंजद्धरागसमा ॥ १०२॥ कइयावि कालनामेण, तलवरेणं इमे निएऊणं । उवणीया खिल्लणयं ति काउ गुणहरनरिंदस्स ।। १०३॥ भणियं निवेण तलवर !, जत्थ अहं जामि तत्थ तत्थ तुमएवि । एए सह आणेया, इमो वि पच्चाह एवं ति ॥१०४॥ महुसमयम्मि पयट्टे, अंतेउरसंजुओ निवो पत्तो, कुसुमायरआरामे, कुक्कुडए गहिय कालो वि ।। १०५ ॥ तत्थ य कयलीहरमज्झमाहवीमंडवे ठिओ राया । कालो असोयवीहीइ तत्थ पिच्छेइ मुणिपवरं ।। १०६ ।। सो तेण भावसहियं ति बंदिओ तस्स मुणिवरेणावि । दिन्नो य धम्मलाभो, संपाडियसयलसुहलाभो ॥ १०७ ॥ तं ददु पगइउवसंतकंतरूवं पसन्नसुहवयणं । हिटो भणइ तलारो, भयवं ! को तुज्झ धम्म ति? ॥ १०८ ॥ साहइ मुणी महायस ! असेससत्ताण रक्खणं सययं । इक्कु च्चिय इह धम्मो, ओहेण विभागओ उ इमो ॥१०९ ।। जीवदय सञ्चवयणं, परधणपरिवज्जणं सया बंभं । सयलपरिग्गहचाओ, विवज्जणं रयणिभत्तस्स ॥ ११ ॥
तथा
HainEducational
For Private sPersonal use Only
