Paryushan na 4 thi 7 ma Divas na Vyakhyano

SR No.: 600151
Original Sutra Author: N/A
Author: Ajitshekharsuri
Publisher: Ajitshekharvijay
Publication Year: 2001
Total Pages: 344
Language: Sanskrit
Classification: Manuscript & Paryushan
File Size: 16 MB

Page 335

काउस्सग्गं वा ठाणं ठाइत्तए ॥५२॥ ५३. वासावासं पज्जोसवियाणं नो कप्पइ निग्गंथाणं वा निगंथीण वा अणभिग्गहियसिज्जासणिएणं हुत्तए, आयाणमेयं, अणभिग्गहियसिज्जासणियस्स अणुचाकुइयस्स अणट्ठाबंधियस्स अमियासणियस्स अणातावियस्स असमियस्स अभिक्खणं अभिक्खणं अपडिलेहणासीलस्स अपमज्जणासीलस्स तहारूवाणं संजमे दुराराहए भवइ ॥५३॥ ५४. अणायाणमेयं, अभिग्गहियसिज्जासणियस्स उच्चाकुइयस्स अट्ठावंधियस्स मियासणियस्स आयावियस्स समियस्स अभिक्खणं अभिक्खणं पडिलेहणासीलस्स पमज्जणासीलस्स तहा तहा संजमे सुआराहए भवइ ॥५४॥ ५५. वासावासं पजोसवियाणं कप्पइ निग्गंथाणं वा निग्गंथीण वा तओ उच्चारपासवणभूमीओ पडिलेहित्तए, न तहा हेमंतगिम्हासु जहा णं वासासु, से किमाहु भंते ! ? वासासु णं ओसण्णं पाणा य तणा य बीया य पणगा य हरियाणि य भवंति ॥५५॥ ५६. वासावासं पज्जोसवियाणं कप्पइ निग्गंथाणं वा निग्गंथीण वा तओ मत्तगाई गिण्हित्तए, तं जहा-उच्चारमत्तए, पासवणमत्तए, खेलमत्तए ॥५६॥ ५७. वासावासं पजोसवियाणं नो कप्पइ निग्गंथाणं वा निग्गंथीण वा परं पञ्जोसबंणाओ गोलोमप्पमाणमित्तेवि केसे तं रयणिं उवायणावित्तए । अजेणं खुरमुंडेण वा लुक्कसिरएण वा होयव्वं सिया । पक्खिया आरोवणा, मासिए खुरमुंडे, अद्धमासिए कत्तरिमुंडे, छम्मासिए लोए, संवच्छरिए वा थेरकप्पे ॥५७॥ ५८. वासावासं पजोसविआणं नो कप्पइ निग्गंथाणं वा निग्गंथीण वा परं पञ्जोसवणाओ अहिगरणं वइत्तए, जे णं निग्गंथो वा निग्गंथी वा परं पञ्जोसवणाओ अहिगरणं वयइ से णं 'अकप्पेणं अजो! वयसीति' वत्तव्ये सिया, जे णं निग्गंथो वा निग्गंथी वा परं पजोसवणाओ अहिगरणं वयइ, से णं निहियव्वे सिया ॥५८।। ५९. वासावासं पजोसवियाणं इह खलु निग्गंथाणं वा निग्गंथीण वा अन्जेव कक्खडे कडुए विग्गहे समुप्पञ्जित्था, सेहे राइणियं खामिज्जा, राइणिए वि सेहं खामिज्जा (ग्र०१२००) खमियव्वं खमावियव्वं उवसमियव्वं उवसमावियव्वं सुमइसंपुच्छणाबहुलेणं होयव्वं । जो उवसमइ तस्स अत्थि आराहणा, जो न उवसमइ तस्स नत्थि आराहणा, तम्हा अप्पणा चेव उवसमियव्वं, से किमाह भंते!? 'उवसमसारं खु सामण्णं' ॥५९॥ ६०. वासावासं पजोसवियाणं कप्पइ निग्गंथाणं वा निग्गंथीण वा तओ उवस्सया गिण्हित्तए, तंजहा-वेउव्विया पडिलेहा साइजिया पमन्त्रणा ॥६०|| ६१. वासावासं पञ्जोसवियाणं निग्गंथाणं वा निग्गंथीण वा कप्पइ || 3१४
Gain Education Interational
te & Feel Use On
Ewww.icinelibrary.oru