________________
Jain Education
जओ - मिता भूः पत्याऽपां स च पतिरपां योजनशतं सदा पान्थः पूषा गगनपरिमाणं कलयति । इति प्रायो भावाः स्फुरदवधिमुद्रामुकुलिताः, सतां प्रज्ञोन्मेषः पुनरयमसीमो विजयते ॥ १ ॥ तेणावि पइदिणमेवं पन्ना पइडि - ज्जइ-जो मं वाए जिणइ तस्साहं चरणसुस्सूसणपरायणो सीसो होमि । अन्नया तेण सिद्धसेणेण महामइणो बुड़वाइणो जयम्मि कित्तिं फुरंतिं सुणिय तस्संमुहं जाव सुहासणाधिरूढेण भरुयच्छं पइ चलियं, ताव तेण नयराउ निस्सरंतो बुडबाई दिट्ठो, फुल्लियमुसलपलोयणेण उवलक्खिओ य, अनुन्नं मेलो संलावो अ संबुत्तो, तओ सिद्धसेणेण भणियं - मए सह वायं कुणह, तओ सूरीहिं साहियं इत्थ चउरंगाए सहाए विणा कहं जयपराजए जाणिजंति ?, तओ सिद्धसेणेण जंपियं-एए गोवाला चेव वायसक्खिणो हवंतु, गुरुर्हिपि वृत्तं - जइ एवं ता कुणसु पुवपक्खं, तओ पारद्धं चैव सिद्धसेणमाहणेण सक्कयभासाए भासिउं, तओ तकवियक्कसंपक्कककसं अणप्पजप्पदप्पसंकष्पणामणोहरं वायं काऊण ठिओ, तत्तो गोवालेहिं वृत्तं - एस किंपिन याणइ, पिसायगहिउच पुकरइ, कक्खत्तेणेव अम्ह कण्णे वियारेइ, अओ बुडवाइराय ! तुममवि वागरसु, तओ स दुहावि समयन्नू आराहियसवन्नू कच्छबंधं काउंथिंदिणिच्छंदरासेण उत्तालतालदाणपुत्रं रमिउं पत्तो - " नवि मारिय नवि चौरियर परदारहगमण निवारियइ । थोवाथो दाइयइ, सग्गि दुगु दुगु जाइयइ ॥ १ ॥ पुणो पढतो नच्च कालउ कंबलु अकरुनि चाटु छासिहिं भरियउ खालडु पाटु । एवडु पडियउ नीले झाडि अवरो सग्गह सिंगु निलाडि ॥ २ ॥ तओ गोवालेहिं आनंदिय
For Private & Personal Use Only
jainelibrary.org
