________________
सम्य०
1104 11
वेई, छक्कम्मपरो परोवयारकई । विउससहपत्तलीहो, दीहगुणो सोमचंददिओ ॥ ५ ॥ सोमसिरी से भज्जा, निरवजा वज्जिभज्जसमरुवा । जुहुव जी वयणं, आणंद तिहुयणं सयलं ॥ ६ ॥ तकुच्छिसरसिहंसीवंसवयंसा गुणाण आवासा । दो तणया बुहपणया, संजाया जायख्वपहा ॥ ७ ॥ पढमो सिरिधणपालो; बालुव विभाइ जस्स मइपुरओ । विंदारयवरसचिवृत्तमोऽवि स बुहप्पई नूणं ॥ ८ ॥ वीओ सोहणनामा, जस्स कवित्तं विचित्तयं सुणिउं । केहि न विम्हियाहियएहि पंडिएहिं सिरं धुणियं ॥ ९ ॥ बहुपरियणपरियरिया, अखंडपंडिचदप्पदुष्पिच्छा । सिरिभोयरायरायंगणस्स मुहमंडणं जाया ॥ १० ॥ अह मज्झदेसपरिभूसणाइ वाणारसीइ नयरीए । गोयमगुत्ता पुत्ता, दियस्स दो कण्हगुत्तस्स ॥ ११ ॥ पढमो सिरिहरनामो, अट्ठारसविज्जठाणपारीणो । बीओऽवि अवीयगुणो, सिरिवइनामा सिरिवइच ॥ १२ ॥ दोषि हु सहोयरा ते, निउणा बम्भन्नएस कम्मेसु । नयणुव परमपिम्माणुबंधसंबंधबंधुरया ॥ १३ ॥ सुरसरिसलिलंमि सया, पहाणं काऊण विगयदेहमला । पूयंति बहुपयारं, विस्सेसर देवपयकमलं ॥ १४ ॥ अह अन्नया कयाई, ताणं सोमेसदेवजत्ताए । अहिलासो संजाओ, जाइ| जरामरणहरणकए || १५ | फोडेऊणं खंधे, तत्थ य पज्जलिरदीवए ठविडं । सिरिसोमनाहजत्तं, काउं दो भायरो चलिया ॥ १६ ॥ कालकमेण दुलङ्घयपि उल्लंघिऊण बहुमग्गं । सिरिवडूमाणनयरं, पत्ता गुज्जरधरावलयं ॥ १७ ॥ सोमेसरस्स दंसणसमूसुया जाव तत्थ रयणीए । चिट्ठेति हिदुहियया, दीवयपीडं अगणयंता ॥ १८ ॥ ता मज्झरत्तिसमए,
Jain Education International
For Private & Personal Use Only
स० टी०
11 64 11
www.jainelibrary.org
