________________
सम्य०
॥ ६१ ॥
1
मुत्तूण गओ दइओ, तओ सा हाहारवमुहरमुही अंसुपवाहण्हवियथणकलसज्जुयला उत्तट्टहरिणिध दीणवयणा पलविडं लग्गा - एगागिणिं अणाहं, मं अवलं चइय दहय ! कत्थ तुमं ? । लंघेऊणं नियकुलमज्जायं संपइ गओऽसि ॥ १ ॥ हाहा !! निलज्जसेहर !! तरुणिं निक्करुण ! लहडलायण्णं । निम्भरपिम्मं दइयं, चइत्तु दंसेसि कस्स मुहं ? ॥ २ ॥ नवजुवणललियांग, कहंपि जइ कोवि मं बलेणावि । छिवइ तओ किं न हवइ, वयणिज्जमणज !! तुज कुले ? ॥ ३ ॥ अहवा किमेएण परिदेविएण ? न छुट्टिजए पुश्वकयकम्मुणो, तहावि करेमि किंपि उवायं, जहा जीवियाओऽ - वि अमहियं सीलं सुदिढहियया होऊण रक्खेमि दुस्सीलेहिंतो, ता वच्चामि पिउहरं, अहवा तत्थ गयाए न मज्झ गउरखं, तो इत्थेव धणियं धम्मधणियं कमवि वणियं जणयं काऊण तस्स घरे निरवज्जाणि कज्जाणि कुणमाणी अत्तणो निवाहं करेमि त्ति धीरत्तमवलंविय वाला उज्जेणीए पुरिए पविसिय समंतओ दिसाओ पिक्खंती एवं महापुरिसं वणियं पलोएइ, तच्चलणेसु निवडिऊण सकरुणसरं वज्जरइ - ताय ! मज्झ अणाहाए तुज्झ चेव चरणा सरणं, सच्छंदा हि इत्थी खलेहिं खिंसिजइ, जओ- बालत्तणंमि जणओ, जुवणपत्ताइ होइ भत्तारो । वुड्डत्तणेण पुत्तो, सच्छंदत्तं न नारीणं ॥ १ ॥ तओ तेण माणिभद्दसिट्ठिणा सा पुट्ठा-वच्छे ! काऽसि तुमं ? सावि साहइ - ताय ! चंपाए नयरीए कुलंधरववहारिणो धूया, वल्लहेण सह चउडदेसं पर पत्थिया सत्थाओ भट्ठा इत्थमागया, अओ वरं तुम्हे चेव मे जणया, तओ सिट्टी तवयणामयसितुष आनंदिओ भणइ-वच्छे ! आगच्छह मज्झ घरे
Jain Education International
For Private & Personal Use Only
स०टी०
॥ ६१ ॥
www.jainelibrary.org
