SearchBrowseAboutContactDonate
Page Preview
Page 273
Loading...
Download File
Download File
Page Text
________________ Jain Education चउतीसा चउचत्ता, अट्ठत्तीसा य चत्त पंचण्हं । पण्णा चत्ता कमसो, लक्खा भवणाण दाहिणओ ॥ २१ ॥ चउचउलक्खविहूणा, तावइआ चेव उत्तरदिसाए । सवेचि सत्त कोडी, बावत्तरि हुंति लक्खा य ॥ २२ ॥ रयणाए हिब्रुवरिं, जोअणसहसं विमोत्तु ते भवणा । जंबुद्दीवसमा तह, संखमसंखेज्जवित्थारा ॥ २३ ॥ चूडामणि फणि गरुडे, वज्जे तह कलस सीह अस्से अ । गय मयर वद्धमाणे, असुराईणं मुणसु चिंधे ॥ २४ ॥ असुरा काला नागुदहि पंडुरा तह सुवण्णदिसिथणिआ । कणगाभ विज्जुसि हिदीव, अरुण वाऊ पिअंगुनिभा ॥२५॥ असुराण वत्थ रत्ता, नागोदहिविज्जुदीवसिहि नीला । दिसिथणिअसुवण्णाणं, धवला बाऊण संझरुई ॥ २६ ॥ चउससिट्टि असुरे, छच्च सहस्साई धरणमाईणं । सामाणिआ इमेसिं, चउग्गुणा आयरक्खा उ ॥ २७ ॥ रणाऍ पढमजोअण, सहसे हिदुवरि सयसयविहूणे । वंतरयाणं रम्मा, भोम्मा नगरा असंखेज्जा ॥ २८ ॥ जंबुदीव भारह विदेहसमगुरुजहन्नमज्झिमगा । वंतर पुण अट्ठविहा, पिसायभूआ तहा जक्खा ॥ २९ ॥ रक्खसकिन्नर किंपुरिस, महोरगा अट्ठमा य गंधवा । दाहिणउत्तरभेआ, सोलस तेसिं इमे इंदा ॥ ३० ॥ काले अ महाकाले, सुरूव पडिरूव पुण्णभद्दे अ । तह चेव माणिभद्दे, भीमे अ तहा महाभीमे ॥ ३१ ॥ किन्नरकिंपुरिसे सप्पुरिसे महापुरिस तहय अइकाए । महकाए गीअरई, गीयजसे दोण्णि दोणि कमा ॥ ३२ ॥ चिंधं कलंबसुलसे, वडखहंगे असोगचंपयए । नागे तुंबुरु अझए, खट्टंगविवज्जिआ रुक्खा ॥ ३३ ॥ For Private & Personal Use Only www.jainelibrary.org
SR No.600134
Book TitleSangrahani Sutram
Original Sutra AuthorN/A
AuthorLalitvijay
PublisherDevchand Lalbhai Pustakoddhar Fund
Publication Year1915
Total Pages292
LanguageSanskrit
ClassificationManuscript
File Size13 MB
Copyright © Jain Education International. All rights reserved. | Privacy Policy