________________
Jain Education
| तुम्हारिसमुहकमलपलोयणेऽवि असमत्थस्स में न जुज्जइ खर्णपि जीविउं, केवलं वच्छ ! अम्ह कुले एस समायारो|मंतेहिं पसुं चिरमभिमंतिऊण कुटुंबस्स भक्षणत्थं पणामिज्जर, पच्छा अप्पा उवसंहरिजइ, एवं कए पुत्ताइसंता - णस्स कल्लाणं हवइ, ता संपाडिज्जउ मे एको पसू जेणऽहं तहा करेमि, परितुट्ठेण समपिओ पुत्तेण, तेणानि घयाइणा अप्पाणं अब्भंगिऊण उच्चलणियाओ पइदियहं भुंजावंतेण कुट्टवाही संचारिओ तस्स, वाहिसंभिन्नगत्तं च तं मुणिऊण आहूओ तेण जेट्ठपुत्तो, भणिओ य-पुत्त ! एस पसू मए अभिमंतिओ वट्टइ, ता तुमं सपरियणो एयमंसमुवभुंजसु जेण कल्लाणभागी भवसि, अहंपि सरीरचायं करेमि, तहा कथं पुत्त्रेण, संकंतो य तम्मंसभोयणेण सपरियणस्स तस्स कुटुवाही, तओ पहिट्ठहियओ सो निग्गओ नयराओ, पइदिणं गच्छमाणो पत्तो महाडविं च, तत्थ य गिम्हुम्ह किलंतो तण्हासुसियकंठो सलिलन्नेसणत्थं इओ तओ परिब्भमंतो गओ एवं गिरिनिगुंजं, दिट्ठे च तत्थ विचितकसाय तरुपत्तपुप्फफलरसपागकलिलं सलिलं, तं च आकंठं पीयमणेण, तवसेण य जाओ से विरेगो, निवडियाई कि मिजालाई सुज्झिउमारद्धं सरीरं, एवं च अणुदिणं तप्पाणेण पणटुकुटुवाही जायपुणन्नवसरीरो नियत्तिऊण गओ सगिहं, तहिं च गलंतकुटुविणदेहं पुत्ताइपरियणं दट्टूण सामरिसं जंपियं तेण - अरे पेच्छह नियदुद्दिलसियाणं कडुवियागं, तेहिं भणियं -कहं चिय ?, एवं पुच्छिए तेण सिट्टो पुधयुतंतो । ताणि य एवमायन्निऊण रुट्ठाई अकोसिउमारद्धाई । कहं चिय ? -
For Private & Personal Use Only
Jainelibrary.org
