________________
श्रीगुणचंद महावीरच ० ८ प्रस्तावः
।। २९४ ॥
Jain Education
frfoओ य नलोगो कहिओ तेणावि तस्स वृत्तंत्तो । जह सहसचिव जीयं नीहरियमिमस्स अनिमित्तं ॥ ३ ॥ नयरजणेण भणियं अलाहि सोगेण कुणसु कायवं । सच्छंदविलसिएसुं किं वन्निजइ कथंतस्स ?, ॥ ४ ॥ एमाइ जंपिऊणं नयरजणो पडिगओ सगेहेसु । दत्तेवि से विहिओ सरीरसकार मुहविही ॥ ५ ॥
एवं च वावाइयंमि तंमि पणट्टकुविगप्पो भजाए समं निप्पचवायं विसयहम गुहवमाणो कालं वोलेइ, अन्नया य तीए समं वरिसयालंमि ओलोयणगओ जाव निवडंतजलधाराधोरणी मणहरं गयणयलमवलोएइ ताव सह सच्चिय तडयरारावभीसणा निवडिया तस्स सीसंमि कुलिंगनालापलीवियदिसामंडला विजू, तीए य तणपूलगो इव निहड्डो दत्तो, मरिऊण य तइयनरयपुढवीए सत्तसागरोपमाऊ नेरइओ उपवन्नो, तहिं च अणवरयदहनकुंभीपागसामलिसाहारोहण करवत्तफालणवेयरणिनइप्पवाहण मोग्गरसंचुण्णणपमुहाई तिक्खदुक्खलक्खाईं निरंतरमणुभविऊण आउयक्खंयमि तत्तो उचट्टिऊण मच्छकच्छपपक्खिसरीसिवपमोक्खासु तिरिक्खजोणीसु उववन्नो, तासुवि बहुकालं चरिऊण पुणो पुणो नरगाईसु य उववज्जिऊण कहवि कम्मलाघवेण एगंमि पचतकुले जाओ पुत्तत्तणेणं, कथं च से मंगलउत्ति नामं, तत्थ य जदिवसाओ आरम्भ सो पसूओ तदिवसाओ चिय तंमि कुले पाउन्भूया विविहा रोगायंका, समुपन्ना विविहाणट्ठा, तओ तेहिं जणणिजणगेहिं चिंतियं-अहो दुलक्खणाणुगओ एस अम्ह पुत्तो ता जाव न देइ अकाले चिय मरणं ताव पच्छन्नो चिय अडवीए नेऊण छडिजइ, जीवमाणाणमन्ने पुत्ता भविस्संति,
For Private & Personal Use Only
प्रथमेऽणुव्रते हरिवदृष्टान्तः.
॥ २९४ ॥
ainelibrary.org
