________________
श्रीगुणचंद महावीरच० ८प्रस्ताव
दीक्षा पूर्वभवश्रावणं च.
॥२८८॥
पडिकरिणो दढदसणग्गताडणुप्पन्नतिववेयणओ । मरि विंझंमि तुमं पुणरवि जाओ गयाहिवई ॥५॥ वणदवपलोयणेण य जाई सरिऊण भयवसट्टेण । रुक्खे उक्खणिऊणं अवणित्ता तणपलालाइं॥६॥ करयलसमाइं तिनि उ महापमाणाई थंडिलाई तए । सरियातीरे पकयाई निययगयजूहरक्खट्टा ॥७॥ जुम्म। अह अन्नया कयाई तरुवरसंघरिससंभवो जलणो । दहिउं वणं पयट्टो पलयानलविब्भमो भीमो ॥ ८॥ तं पेच्छिऊण भीओ तुमं पलाणो सथंडिलाभिमुहं । हरिहरिणससगसूयरपडिहत्थे थंडिले दुन्नि ॥९॥ लंघित्ता तइयंमि संपत्तो अच्छिउं समाढत्तो। चरणो य समुक्खित्तो कंडुयणकए तए तणुणो ॥ १० ॥ एत्थंतरंमि अन्नन्नसत्तसंपेल्लिओ ससो एगो । उक्खित्तचरणहेट्ठा ठिओ सजीयस्स रक्खट्टा ॥ ११ ॥ तं दह्णं तुमए पयहेटूठियं पराए करुणाए । आकुंचिऊण धरिओ नियचलणो गयणदेसंमि ॥ १२ ॥ अह वणदवोऽवि दहिउं सयलं अडविं महाविडविपुन्नं । उवसंतो ते य गया जहागयं ससगपमुहजिया ॥१३॥ ताहे छुहापिवासासंतत्तो तंपि सिग्घवेगेण । अमुणियकुटियसचलणो पधाविओ पाणियाभिमुहं ॥ १४ ॥ अह एगचलणवियलत्तणेण पडिओ तुमं गिरिवरोध । तण्हाछुहाकिलंतो कालगओ बहुकिलेसेण ॥ १५ ॥ तेण य ससगणुकंपणसमुवजियपुन्नपगरिसवसेण । लहुईकयसंसारो संपइ जाओसि रायसुओ ॥ १६ ॥ इय भो देवाणुप्पिय! तइया पसुणावि जइ तहा तुमए । ससगजियरक्खणेणं वाढं दुक्खाइं सहियाई ॥१७॥
॥२८८॥
Jain Educati
o nal
For Private Personel Use Only
OMainelibrary.org
