________________
कुवियप्पा उलहिययत्तणेण असदहिऊण तेण पुचवुग्गाहिएण नियसमणसमणीसंघेण परिवुडो पुरनगराइसु नियदंसणाभिप्पायं परूवयंतो विहरइ, वित्थरिया सवत्थ एसा संकहा जहा जमाली भगवओ मिच्छं पडिवन्नोति ।
अन्नया य सो विहरमाणो पुणो गओ सावत्थि नयरिं, ठिओ य एगत्थ उज्जाणे, पियदंसणावि अज्जियासह स्स| परिवारा महिडियस्स ढंकाभिहाणस्स कुंभकारस्स आवणे आपुच्छित्ता ठिया, सो य ढंको जिणवयणभावियप्पा जाणइ जहा एयाणि मिच्छत्तमुवगयाणि, जिणवयणं न पत्तियंति, अओ जइ कहवि बोहिजंति तो खुदु लडं हवइति । अन्नया य भंडयाई उच्चत्तंते पडिवोहणत्थं पियदसणासाहुणीए वत्थंमि पक्खित्तो एगो जलण कणो, तेण य दज्झमाणं वत्थं पेच्छिऊण तीए भणियं-भो महाणुभाव ! किमेयं तर कथं ?, पेच्छ मम पडगो दड्डो, तेण भणियं - अजिए! मा मुसं वयाहि, सङ्घमि चैव वत्थे निड्डे एवं भणिउं जुजइ, एस किर तुम्ह संमयत्थो, अन्नहा दज्झमाणं दहुंति जिणवरवीरवयणं चेव पडिवजिउँ जुत्तं ।
।
एयं च तीए सोचा तक्कालुप्पन्नसुद्धबुद्धीए । भणियं सम्मं सावय ! मूढाऽहं बोहिया तुमए ॥ १ ॥ तइलोय तिलयभूयस्स भगवओ वद्धमाणसामिस्स । वयणं पावाए मए पडिकूलियमेत्तियं कालं ॥ २ ॥ जस्स वयणेण विहिओ घरचाओ संजमो य पडिवन्नो । सोवि जिणो न गणिजइ, अहो महं मोहमाहप्पं ॥ ३॥ ढंके त भणियं - भयवइ ! मा वहसु चित्तसंतावं । समणीजणपरियरिया वच्चसु सर्व्वन्नुपासंमि ॥ ४ ॥
Jain Educa national
For Private & Personal Use Only
w.jainelibrary.org
