________________
-
गच्छंतु व मुक्खजणा देवा कहऽणेण विम्हयं नीया ? । पूयंति संधुणंति य जेणं सधण्णुबुद्धीए ॥३॥ अहवा जारिसओ सो सवण्णू तारिसा सुरा तेऽवि । अणुसरिसो संजोगो गामनडागं व मुक्खाणं ॥४॥
किं वा इमिणा बहुजंपिएण? अज्जवि असिद्धकजंमि । सयमेव तत्थ गंतूण हेउजुत्तीहिं तं समणं ॥५॥ | काउं हयप्पयावं पुरओ देवाण दाणवाणं च । नासेमि अहमसेसं खणेण सवण्णुवायं से ॥६॥ जुम्मं ।
इय साहंकारं जंपिऊण पंचहिं सएहिं सिस्साणं । परियरिओ सो पत्तो जयगुरुणो पायमूलंमि ॥ ७॥
तयणु-ससहरकासकुसुमोहहिमपंडुरछत्ततियनिहयतरणिकरनियरपतरह, पमिलंतसायरनरखपरसुरिंदसंदोहवंदह । पेच्छिवि जयनाहह महिम इंदभूइ मणमि, किं एयंति चमकियओ तक्खणि ओसरणमि ॥ ८॥
एत्यंतरंमि भुवणेकभाणुणा जिणवरेण संलत्तो । भो इंदर्इ ! गोयम सागयमिइ महुरवाणीए ॥९॥ ताहे चिंतियमिमिणा नामंपिहु मे वियाणए एसो। भुवणेऽवि पायडजसं अहवा को मंन याणेइ? ॥१०॥ जइ हिययगोयरं मे संसय मण्णेज अहव छिंदेजा। ता होज विम्हओ मे इय चिंतंतो पुणो भणिओ ॥ ११ ॥ किं मण्णे अत्थि जीओ उयाहु नत्थित्ति संसओ तुज्झ । सुंदर! परिचयसु इमं संदेहं माणपडिसिद्धं ॥ १२॥ अस्थि जिओ निभंतं इमेहिं सो लक्खणेहिं मुणियहो। चित्तंचेयणसण्णाविण्णाणाईहिं पयडेहिं ॥ १३ ॥ जइ पुण न होज जीवो अवठ्ठिओ सुकयदुक्याहारो। ता जागदाणनाणोवहाणपमुहं मुहा सर्व ॥ १४ ॥
W
For Private 8 Personal Use Only
Join Educat
Mjainelibrary.org
i onal
