________________
श्रीगुणचंद महावीरच० ७प्रस्ताव ॥२४५॥
चन्दनाया निरोधः श्रे| ष्ठिज्ञानं कुल्माषदानं शोक
कुसलत्तणंति भणिए चिंतियमेक्काए थेरदासीए, जहा जीवियम्हि बहुकालं सयमेव, पञ्चासन्नमियाणि मरणं, एत्तो- वि किं करिस्सइ मे मूला?, ता साहेमि चंदणं, जीवउ मम जीविएणवि सा वराई, परजीवरक्खणं हि महापुन्नं वुच्चइ समयसत्थेसुत्ति चिंतिऊण सिट्टो सेट्रिणो परमत्थो । दंसियं च तं गिह जत्थ सा अवरुद्धा अच्छइत्ति, तओ गंतूण उग्घाडियं तं गिह सेटिणा, पलोइया य सिरोऽवणीयकेसपब्भारा छुहाकिलामियसरीरा मत्तमायंगचलणमलियकमलमालब विमिलाणदेहच्छवी चंदणा, तं च ददृण गलंतवाहप्पवाहाउललोयणो-पुत्ति! वीसत्था होहित्ति समासासिऊण गओ महाणससालाए, निरूवियाई भोयणभंडाई, कूराइयं च विसिटुं भोयणमपेच्छमाणेण कुम्मासे चिय सुप्पकोणे घेत्तूण समप्पिया चंदणाए, भणिया य-पुत्ति! जाव अहं तुह नियलभंजणनिमित्तं आणेमि लोहयारं ताव भुंजसु तुमं एयंति भणिऊण गओ सेट्टी, सावि सुप्पप्पणामिए दट्टण कुम्मासे करिणिव जूहप-भट्ठा नियकुलं संभ|रिऊण सोइउं पवत्ता । कह?
जइ ताव दइव ! तुमए नरवइगेहे अहं विणिम्मविया । ता कीस एरिसावयमहण्णवे दुत्तरे खित्ता ? ॥१॥ सा रायसिरी सो जणणिजणगसम्भावनिभरो नेहो । कह सबंपि पणटुं गंधवपुरव वेगेण ? ॥२॥ खणमुल्लसंति उहुँ खणेण निवडंति हेतुओ सहसा । खरपवणुदुयधयवडसमाई ही विहिविलसियाई ॥३॥ इय दुबहसोगभरावरुद्धकंठक्खलंतवयणा सा । निवडतसलिलवाहप्पवाहधोयाणणा बाला ॥ ४ ॥
AAAAAAA
॥२४५॥
Jain Educati
IX
o
nal
For Private 8 Personal Use Only
ainelibrary.org
