________________
AUSESARKAR
एवं सबुद्धिपरिकप्पिएण जइविसरिसेण वेसेणं । मुणिधम्ममग्गचत्तो पारिवजं पवत्तेइ ॥ ८४ ॥ गामागरनगराइसु सिरिरिसहजिणेण सह परिन्भमइ । सुस्सवणपक्खवायं निचं हियएण वहमाणो ॥ ८५॥18 अहतं करयलगहियच्छत्तयं दीहलंबिरसिहंडं। पासविमुक्कतिदंडं पवित्तमाईहि परियरियं ॥८६॥ गेरुयरसरत्तंसुयविराइयं संझसूरविवं व । चंदणचचियदेहं उवाहणारोवियकर्म च ॥ ८७ ॥ असरिसरूवं नीसेससमणसंघस्स मज्झयारंमि । दहुं कोऊहलिओ बहुजणो पुच्छए धम्मं ॥ ८८ ॥ मिरिईवि सम्ममहिगयसुत्तत्थो तत्तदेसणसमत्थो । साहेइ वित्थरेणं मुणिधम्मविहिं जणस्स पुणो ॥ ८९॥ जह एत्थं आजम्मं बायरसुहमेसु सधजीवेसु । संघट्टणविद्दवणाइ वजणिजं पयत्तेणं ॥९॥ कोहेण व लोभेण व हासेण भएण वावि माऽ(ना)सचं । जीवोवघायजणगं भासेयवं विणासेऽवि ॥ ९१ ॥ गामे वा नयरे वा थोवं वा भूरि वा न घेत्तवं । सञ्चित्तमचित्तं वा सवमदत्तपि तिविहेण ॥ ९२ ॥ देवनरतिरियरमणीसु पवरलायण्णसुंदरंगीसु । पचक्खभुयंगीसु व खणंपि नो अभिरमेयवं ॥९३॥ धम्मोवयारि मोत्तुं वत्थपडिग्गहपमोक्खमुवगरणं । सेसमहिगरणरूवं परिहरियवं पयत्तेण ॥ ९४ ॥ संथारगमेकं वजिऊण नेवोवहाणतूलीओ । फासस्साणुगुणाओ कइयावि य पत्थणिजाओ ॥ ९५ ॥ अरसविरसन्नपाणेहिं पीडिएणावि महुरदित्तरसे । नो भोयणमि चित्तं निवेसियवं मणागपि ॥ ९६ ॥
ASCHARAGORA 2
40*
Jain Educat
i
on
For Private Personel Use Only
jainelibrary.org
