________________
मिलिओ य नयरलोगो रायाविय विम्हिओ गिहं पत्तो । वित्तंतमिमं पुट्ठो य तेहिं सेट्ठी पहिहिं ॥ २५ ॥ तेणावि कवडसीलत्तणेण काउं बहुं फडाडो । सिहं जहा महप्पा एसो परमन्नपाणेहिं ॥ २६ ॥ सयमेव मए पाराविओत्ति अचंतभत्तिजुत्तेण । एत्तो चिय तियसेहिं घुटमहो दाणमेयति ॥ २७॥ सोचा एवं लोगो रायाविय गाढहरिसपडिहत्थो । तग्गुणगहणं काउं जहागयं पडिनियत्तोत्ति ॥ २८॥ सो पुण पुराण सेट्री अचंतविसुज्झमाणसुहभावो । दुंदुहिसई सोचा झडत्ति सोगाउलसरीरो ॥२९॥ पडिचिंतिउं पवत्तो हाहाऽहं मंदभग्गजणजणगो । जणिओ विहिणा नूणं जस्स घरं लंघिउं नाहो ॥३०॥ अन्नत्थ पारिओ अज सायरं उवनिमंतिओऽवि मए । अहवा निप्पुन्नाणं न घरे चिंतामणी एइ॥३१॥ जुम्म । अह भयवं पारिता गामागरसुंदरं धरावीढं । विहरइ हरियतमभरो सूरो इव भवकमलाण ॥ ३२॥ .. अन्नंमि य पत्थावे समोसढो तत्थ पासजिणसिस्सो । सूरी केवलनाणप्पईवपायडियपरमत्थो ॥ ३३॥ नाउं समोसढं तं नयरिजणो नरवई य हिट्ठमणो । वंदणवडियाएँ लहुं समागओ तस्स पासंमि ॥ ३४ ॥ वंदित्ता भत्तीए उचियट्ठाणमि सन्निसन्नो य । सुचिरं धम्मं सोउं पुच्छिउमेवं समाढत्तो ॥ ३५ ॥ भयवं ! एत्थ पुरीए अणेगजणसंकुलाए को धन्नो ? । लहुईकयसंसारो य? कहसु अइकोउगं मज्झ ॥ ३६॥ तो केवलिणा भणियं अइधन्नो एत्थ जुन्नसेहित्ति । रन्ना वुत्तं किं नणु सामी पाराविओ तेण ? ॥ ३७॥
ACCESSAGAR
NIK
-
Jain Educati
o
nal
का
For Private & Personel Use Only
Mainelibrary.org
