________________
श्रीगुणचंद महावीरच. ७प्रस्ताव:
संगमकस्यनिर्विषयतादेश:
॥२३१॥
किमहमिमं निग्गहिउं सक्को नवोवसग्गकालंमि?। किंतु मुणिस्सइ एसो हरिस्स निस्साएँ तवइ जिणो॥६॥ पजत्तं एत्तो जंपिएण निविसयमाणवेह इमं । बरि सुन्न चिय साला मा भरिया चोरवग्गेण ॥ ७॥ इय सुरनाहेण सरोसभासिणा चलणकोडिणा विवसो। निच्छूढो संगमओ एगागी सुरपुरीहिंतो ॥८॥ एवंविहं च माणमलणं पेच्छिऊण चिंतियं संगमएण-अहो एयाई ताई असमिक्खियकयाई पायडीहवंति संपइ दुविलसियाई, इय झूरिऊण सो जाणएण विमाणेण पट्टिओ मंदिराभिमुहं, तओ अक्कोसिज्जमाणो सुरविलयाहिं हीलिजमाणो नियपरिवारेण पेल्लिजमाणो सकसुहडेहिं उवेहिजमाणो सामाणियदेवेहिं नीहरिऊण सुरपुरीओ ठिओ मंदरचूलियाए, तस्स य सागरोवमं सेसमाउयंति । इओ य-से अग्गमहिसीहि विन्नविओ पुरंदरो-जइ सामि! तुम्ह आएसो हवइ ता अम्हे पियमणुसरामो, तो विसजियाओ य इंदेण, सेसो पुण परिवारो पडिसिद्धोति।। ___ इओ य-भयवं वद्धमाणसामी जायंमि निरुवसग्गे तत्थेव गामे वीयदिवसे पविठ्ठो गोयरचरियाए, हिंडंतो य समागओ वच्छवालथेरीगिहे, तओ तीए भत्तिभरनिस्सरंतपयडपुलयपडलाए वासियपायसभत्तेण पडिलाभिओ छमासस्स निरसणो भयवं । एत्यंतरे चिरकालजायजिणपारणगर्दसणपरितुद्वेहिं अहासन्निहियसुरनिवहेहिं पहयाई तूराई मुक्का कणगबुट्ठी परिखित्तो कुसुमनियरो वरिसियं गंधोदयं अहो दाणमहो दाणंति उग्घोसणा कया, तत्थेव ताव जाया अदरिदा थेरी । अह सामी निबवियसरीरो गओ आलभियाभिहाणं नयरिं, तत्थवि पडिमापडिवनस्स
BUSINESARKARANAS
॥२३१॥
Jain Educati
o nal
For Private Personal Use Only
Romainelibrary.org
