________________
श्रीगुणचंद महावीरच ७प्रस्ताव: ॥२२८॥
सेससमुच्छलियधम्मज्झाणजलुप्पीलकल्लोलविज्झाविएव निष्फलत्तणं पाविए तंमि पक्कणं निम्मवेइ, सोय अणेगाइं संगमकृता सउणिपंजरगाणि जयगुरुणो सवणे भुयदंडेसु खंधतलंमि जंघाजुयले य ओलंबेइ, तेहिंतो य नीहरिऊण पक्खिणो | उपसर्गः, नहसिहाहिं तिक्खग्गचंचुप्पहारेहि य विद्दवंति जिणसरीरं, तहावि अखुभिए जयनाहे पइसमयवदंतकोवेणं उप्पाइओ जुगखयसमएव्व सक्करकरकलुसो खरानिलो, तेणावि समहियं सामिस्स पज्जालिओ कम्मतणगहणम्मि झाणानलो, न उण चित्तसंखोभोत्ति, पच्छा कलंकलियावायं विरएइ, तेणवि चकाविद्धोब सलिलावत्तनिवडिओब भामिओ जिणो देहमेत्तेण, न उण चित्तासएणं।
इय एवंविहतिबोवसग्गकरणेऽवि निचलं नाहं । आभोगिऊण चिंतइ संगमओ जायगुरुकोवो ॥१॥ | वजसरीरो एसो खलीकओऽविहु बहुप्पयारेहिं । नो तीरइ खोभेउं किं काउं जुजइ इयाणि ? ॥ २॥
जइ एयमुज्झिऊणं सुरालयं जामि भग्गसपइन्नो । ता सुरवइपमुहेहिं आजीवमहं हसिज्जामि ॥३॥ किंच-निययस्सवि हिययस्सा नत्थि एवं कयंमि परितोसो। पारद्धवत्थुनिचाहणंमि पुरिसाण पुरिसवयं ॥४॥ __ अहवा होउ विगोवण निहणं एवं नएमि कूडमुणिं । एयस्स विणासंमी झाणंपि विणस्सिही नूणं ॥५॥ ॥२२८॥ एवंपि य निवाहियगरुयपइण्णाभरो भविस्सामि । सुरवइपमुहाणमहं अहीलणिजो य तियसाणं ॥६॥ इय निच्छि ऊण पजलियजलणजालाकलावसंवलियं । विजुलयाउलयसमयमेहचंदं व दुप्पेच्छं ॥ ७ ॥
Jain Educati
o
nal
For Private & Personal Use Only
M
inelibrary.org
