________________
श्रीगुणचंद महावीरच० ६ प्रस्ताव
॥२१५॥
सेट्ठिस्स पचओ, तओ तद्दिणाओ आरम्भ समारंभियं जिणमंदिरे कम्मंतरं, कओ अकालखेवेण जिन्नुद्धारो, तिसंझं। |च सुरहिपंचवन्नकुसुमेहिं निम्मवेइ पूर्य, पयहावेइ वरविलासिणीनदृविहि, वायावेइ मंजुगुंजंत सुरयसणाहं चउचिहा-11
उज्जं, एवं च कुणमाणस्स वचंति वासरा। __ अन्नया य जिणवंदणवडियाए अणिययविहारेण परियडमाणा समागया सूरसेणा नाम सूरिणो, ठिया य सूरिसमुचियपएसे, सुत्तपोरिसीपजंते य गया मल्लिजिणाययणं, वंदिया देवा, उवविट्ठा उचियट्ठाणे, काउमारद्धा य ।
भवसत्ताण धम्मदेसणा । एत्यंतरे पूयासामग्गिसणाहो समागओ वग्गुरसेट्ठी, जिणपूयं वंदणं च काऊण अलीणो है सूरिसयासे, पणमियं चऽणेण से पायपंकयं, दिन्नासीसो य आसीणो महीयले, गुरुणावि तजोग्गयाणुसारेण पारद्धा टू धम्मदेसणा । कहं चिय?जिणनाहभुवणकरणं तप्पडिमापूयणं तिसंझं च । दाणंमि य पडिबंधो तिन्निवि पुन्नेहिं लभंति ॥ १॥ नीसेससोक्खतरुवीयमूलमुद्दामदुग्गइकवाडं । कारिंति मंदिरं जिणवरस्स धन्ना सविभवेणं ॥ २॥
IM॥२१५॥ तुहिणगिरिसिंगसिंगारहारि जे निम्मवंति जिणभवणं । ते कह न लीलाएचिय चिंतियमत्थं पसाहिति? ॥ ३ ॥ सामनेणवि जिणगेहकारणे को मिणिज पुन्नभरं ? । को पुण तम्मि विहिणा जिन्नंमि समुद्धरिजंते ॥ ४॥ ता भो महायस! तए नियमा सम्मं समायरियमयं । सभुयजियदवेणं जिन्नद्धारो जमेस कओ ॥५॥
Jain Education
For Private & Personal Use Only
Lainelibrary.org
