________________
Jain Educat
• अन्नया य भरहो अट्टाणउइए चुल्लभाउयाणं दूयं पेसेइ, भगावेइ य जहा - मम सेवं पडिवज्जह अहवा रज्जाई परिहरह जुज्झसज्जा वा वह उवायंतरं वा परिकप्पहत्ति, एवं च राइवयणं सम्ममवधारिऊण गओ दूओ, निवेइओ तेसिं भरहनरिंदाएसो, तं च समायनिऊण कोवावरत्तनेत्तेहिं लीलाजद्विताडियधरणिवट्ठेहिं भणियं तेहि-रे दूया - हम ! को भरहो ? को वा एरिसवत्तव्वे तस्साहिगारो ? जेण तस्स अम्हाणं च ताएणं दिण्णं रजं तम्हा ताओ चैव जं आणवेही तं करिस्सामोत्ति, रोसेण कंठे घेत्तूण निद्धाडिओ दूओ अवहारेणं । एत्थंतरे गामाणुगामेण विहरमाणो भयवं आइतित्थयरो अट्ठावयंमि नगवरे समोसरिओ, आगओ चउन्त्रिहदेवनिकाओ, तेऽवि अट्ठाणउइंपि कुमारा तुरियं समोसरणमागया, सहरिसं च सामी वंदिऊण निसन्ना सहाणे, पत्थावे य भरहाएसं कहिऊण पुहुं तेहिंताय ! कहेसु किं जुज्झामो उयाहु रजाई चयामोत्ति, ताहे सामी तेसिं जोग्गयमुवलच्भ भोगनिवित्तिनिमित्तं असम्भावपट्टावणाए इंगालदाहगदिट्ठतं कहिउमादत्तो
जह एगो किर पुरसो भायणमेगं तु भरिउ सलिलस्स । इंगालाण निमित्तं काले गिम्हे वर्णमि गओ ॥ ५३ ॥ तत्थेगत्थ बहू खायरपमुहाई सारकट्ठाई । सो मेलिऊण जलणं पज्जलइ तस्समीत्रगओ ॥ ५४ ॥ डज्यंतकडसिहिताविउत्ति संछिन्नदारुसमिओत्ति । मज्झदिणदिणयरपीडिओत्ति तन्हाउरो सुत्तो ॥ ५५ ॥ तं पुव्वाणीयं जलमसेसमा पियइ तत्थ सुमिणंमि । गिंभुब्भवदिणयर किरणविहुर मरुथेरवसहोय ॥ ५६ ॥
Tational
For Private & Personal Use Only
jainelibrary.org
