________________
श्रीमहा० चरित्रे
२ प्रस्तावः
॥११॥
Jain Education
कारण कीरमाणिं दहूण तीयाणागयपडुप्पण्णवत्थुसत्थवित्थरगय संदेह संदोह दहणपस मणे कपीऊसधाराणुगारिणिं धम्मदेसणं निसामिऊणय करिकलहकन्नतालतरलमवलोइऊण जीवियं उच्बेलिरमहल विसवेलरीसरित्थं निच्छिऊण कुवलयच्छिसंजोगसमुब्भवमुहं अयंडतडिदंडभंगुरं जाणिऊण पणइजणपेम्मप्पबंधं परूढगाढसद्धम्मपरिणामो महाविभूईए पियामहस्स पासे पव्वइओत्ति ।
तओ सम्ममहिगयसमणधम्मो पंचप्पयारायारसमायरणपरायणो पंचसमिइसमिओ तिगुत्तिगुत्तो पंचमहव्वयरक्खणबद्धलक्खो ससरीरेऽवि निरवेक्खो रयणवणिओ इव परिचत्तलोहायरो सायरो इव मयरहिओ दिणयरो इव दोसुम्मूलणकरो नागराओव्व दूरुधूढखमावलओ मंदरो इव निम्महियजलही सुहडो इव नियविसमकरणो गामागरनगरेसु अप्पडिवो थेराण पासे सामाइयाई एक्कारसंगाई ससुत्ताई सअत्थाई थिरपरिचियाई करेमाणो सामिणा सद्धिं विहरइति ।
इओ - भरहराया समुप्पन्नचक्करयणो चाउरंगबलकलिओ पुव्वदिसाए मागहतित्थं दाहिणेण वरदामं पच्छि मेण पहासं उत्तरेण य चुल्लहिमवंतपरिसरं जाव साहिऊण छक्खंडभरहं सट्ठीए वाससहस्सेहिं बत्ती सनर व इसहस्स परियरिओ अइगओ विणीयरायहाणिं, कओ से वारस वासाई महारायाहिसेओ, विसज्जिया य रण्णा नियनियट्ठाणेसु दूरदेसागया नरवइणो ।
For Private & Personal Use Only
मरीचिजन्म दीक्षा विजयः.
॥११॥
ainelibrary.org
