________________
Jain Educatio
किं भवभएण अहवा भूयपिसायाइछलणदो सेण । धाउविवजासेण व कूरग्गहपीडणेणं वा ? ॥ २५ ॥ गुरुणा भणियं नरवर ! मा संकसु कारणाई एयाई । दढपुचभवावजियमेगं कम्मं विमोत्तूण ॥ २६ ॥ संजोगविओगुप्पाय पलयसुहदुक्ख पमुह किरियासु । सधावत्थासुंपिय पभवइ कम्मं चिय जणस्स ॥ २७ ॥ रण्णा भणियं भयवं ! किं पुण एएण पुत्रजम्मंमि । पकयं कम्मं ? साहह महंतमिह कोउगं मज्झ ॥ २८ ॥
सूरिणा पर्यंपियं- महाराय ! एस तुज्झ पुत्तो पुत्रभवे संखपुरंभि नयरे रूवलायन्नसोहग्गाइगुणसंगओ चारुदत्तो नाम वणियसुओ आसि, तेणवि एगया निक्कारणकुवियाए भज्जाए दुधयणेहिं तज्जिएण सरोसं पयंपियं-आ पावे ! तहा काहं जहा सदुक्खं जीवसि, तीए वृत्तं - जं तुह पिउणो पडिहाइ तं करेज्जासि, तओ सो एगेण नम्मसचिवेण सद्धिं कन्नगंतरपरिणयत्थं पयट्टो गंतुं दक्खिणदिसाए, अविलंवियपयाणएहिं वच्चतो पवररामारयणनिहाणभूयाए पत्तो कंची - पुरीए, तहिं च पचिसमाणेण दिट्ठाई परोप्परं कीलंताई डिभाई, तेसिं च एगेण डिंभेण सुरहिमालमाला अन्नस्स डिंभस्स कंठे पक्खिविउमारद्धा अन्नस्स निवडिया, तं च दहूण चिंतियं चारुदत्तेण - अहो सोहणी सउणो, परं दूरवगमो, जओ एसा कुसुममाला अन्नत्थ पक्खिविउमारद्वा अन्नत्थ निवडिया, अहवा किमणेण ?, चिंतियत्थसंपत्तीए सयं चेव होही एयावगमोत्ति विभाविऊण पविट्ठो सयणवग्गगेहंमि, कओ तेण ण्हाणविलेवणभोयणप्पयाणप्पमुहो से य वावारो, ठिओ य कइवय वासराई, पत्थावे य सयणवग्गस्स सिट्रुमणेण निययप्पओयणं, पडि
tional
For Private & Personal Use Only
jainelibrary.org
