________________
Jain Educat
गोसालोऽवि तहाविहमसमंजस मिक्खिऊण भयभीओ । अइदूरमवकंतो नियजीवियरक्खणट्टाए ॥ ३ ॥
अह उवसंतंमि जलणंमि सामी मंगलाभिहाणे गामे गओ, तहिं च वासुदेवमंदिरे ठिओ पडिमाए, गोसालोवि निलुको एत्थ पसे, केवलं केलिकलहाइविणोयाभावेण वाढं दुक्खमणुहवंतो फालचुक्कोच मक्कडो दिसीओ अवलोएइ, एत्थंतरे कीलानिमित्तमागयाई तं पएसं गामचेडरूवाई, तओ ताइं पेच्छिऊण उवलद्धरयणनिहाणं व पच्चज्जीचियं व मण्णमाणो विडंबियवयणकंदरों दूरं निल्लालियलोलजीहो पसारियबीमच्छच्छिजुयलो धाविओ वेगेण भयजणणनिमित्तं तेसिमभिमुहं ॥
अह तं भीसणरूवं दहूणमतक्कियं समुहर्मितं । गामाभिमुहं भयओ चेडाई लहु पधाति ॥ १ ॥ धावंताणं ताणं पक्खलेणवसेण केसिमवि जंघा । भज्जइ अन्नेसिं पुण फुट्टइ सीसं टलइ चलणो ॥ २ ॥ इयरेसिं पुण वियलंति देहनद्धाई भूसणाईपि । केसिं चिय वत्थाई निवति तदा भयवसेण ॥ ३ ॥ अह तारिसमसमंजस मम्मापियरो पलोइऊणेसिं । रोसेण दोसमूलं गोसालं संपवज्जंति ॥ ४ ॥ रे पाव पिसाय किमहं चेडरूवाइँ तमिह भाएसि । इय तजिऊण तेहिं कुट्टिज्जइ सो दढं विवसो ॥ ५ ॥
national
तं तं वारिति गामजगवुडा | देवजगस्स एसो खु नूणं सिस्सो अओ मुयहा ॥ ६ ॥ हम तेहि विमुको गोसालो वागेरइ जिणनाहं । किं मद्द हणिजमाणे तुम्हाणं जुजइ उवेहा ? ॥ ७ ॥
For Private & Personal Use Only
w.jainelibrary.org
