________________
श्रीमहा० चरित्रे
२ प्रस्तावः
॥१०॥
Jain Educatio
पुरओ जुगवं चिय समागया बद्धवेगा पुरिसा । तओ भरहो इहलोय तुच्छ सुहमेत्त संपायणपचलत्तं निच्छिऊण चक्करयणस्स उभय लोग सुहजणगत्तं पुण परमेसरस्स पवरकरेणुगा खंधाधिरोहियसुयविरह विहुर मरुदेवासमेओ नीसेस कुमारनियरपरियरिओ समग्गबलवाहणो हरिसभर निष्भरंगो भगवओ केवलमहिमं काउं संपत्थिओ | अंतरेण मरुदेवीए भगवओ छत्ताइछत्तपमुहं विभूइसमुदयं पेच्छंतीए तहाविह भवियव्वयावसेण सुहज्झाणपरायणाए अंतगड केवलित्तं जायं । भरहखेत्ते पढमसिद्धोति परिचिंतिऊण देवदाणवेहिं कया तीसे महिमा, खित्तं खीरोयसायरे से सरीरं, भरहो य परमपमोयमुव्हंतो तित्थयरं तिपयाहिणीकाऊण बहुप्पयारं थोऊण सदेवमणुयासुराए सभाए आसीणो । सामिणावि सजलजलहराराव गंभीराए आजोयणप्पमाणखेत्त पडिप्फलणपचलाए पहजणमेककालं संसयसयवुच्छेयजणणीए वाणीए पारद्धा धम्मदेसणा ॥ कहं ?
भो भो महाणुभावा! दुलहं लहिऊण माणुसं जम्मं । उप्पत्तिपलयकलियं वियाणिउं भवसरूवं च ॥ ४१ ॥ कीसायासनिबंधणसयणसरीरेसु मोहवामूढा । धम्मोवजणरहिया निरत्थयं गमह नियजीयं १ ॥ ४२ ॥ सुमरह किं न निरंतरमणंतसो तिक्खदुक्खसंतत्ता । विवसाएसु ववसिया जं भे चउसुंपि विगईसुं ॥ ४३ ॥ तथाहि - नरए परमाहम्मियपहरणछि जंत अंगपचंगा । तिरियचे वहबंधणदहणंकणवाहणाभिहया ॥ ४४ ॥ देवत्तेऽवि य ईसाविसायपेसत्ततावसंतत्ता । मणुयत्ते पुण दोगच्चवाहिविहुरा चिरं वुत्था ॥ ४५ ॥
tional
For Private & Personal Use Only
समवसरणं
मरुदेवीमोक्षः
देशना
॥१०॥
ainelibrary.org
