________________
| दमुक्कम ग्गणाभिहओ तक्खणविरह फुट्ठहिययाए चक्कवाईए अणुगओ मओऽन्हि, मरिऊण संपयं तुह पुत्तत्तणेण उववन्नो, इहि च चिरपणइणीए तीसे चक्कवाईए विरहं सोढुं न पारेमि, केसवेण भणियं-वच्छ ! अलं समइकं तदुक्ख सुमरणेणं, एसो थिय सहावो एयस्स दढकथंतस्स जं न सहइ दहुं चिरकालं पियसंपओगसुहियं कमवि जर्ण, अविदेवाविय नियपण इणीविरहुब्भवदुक्खदहण संतत्ता । मत्तव मुच्छिया इव कहकहवि गर्मति नियजीयं ॥ १॥ तुम्हारसाण पुत्त ! केत्तियमेत्तं इमं अओ दुक्खं । जेसिं चम्मोणद्धं देहं सवावयासज्जं ॥ २ ॥ ता विरम पुभवसुमरणाउ वट्टेसु वट्टमाणेणं । तीयाणागयचिंतणवसेण सीयइ सरीरंपि ॥ ३ ॥ ते चि संसारो नूणमसारो इमो दढं जाओ । जं जम्ममरणजररोगसोगपमुहाई दुक्खाई ॥ ४ ॥ इय पन्नविडं विहिप्पयारहेऊहिं केसवेणं सो । नीओ कहमवि गेहे विरहमहावेयणाभिहओ ॥ ५ ॥
तत्थ गओsa सो पमुक्कपाणभोयणो सुन्नमणो धरणिनिसियलोयणो महाजोगिव निरुद्धवावारंतरपरिचिंतणो तर्णपि व नियजीवियंपि गणेमाणो अच्छइ, एयावत्थं च तं पासिऊण जायचित्तपरितावेण सयणवग्गेण मा छलणाविगारो कोऽवि होजत्ति संकियमणेण सङ्घायरेण वाहराविया तंतमंतवाइणो, दंसिओ तेसिं, कया य उवयारा, न जाओ मणापि विसेसो, अन्नया य देसंतराओ आगओ एगो थेरपुरिसो, ठिलो एयस्स चेव गिहे, दिट्ठो अणेण मंखो, पुट्ठो य पासवत्ती केसवो, जहा - भद्द! किं कारणं जं एसो जुवावि रोगाइणा निरुवहओवि ससलो इव लक्खिज्जइ ?,
Jain Educamational
For Private & Personal Use Only
w.jainelibrary.org
