________________
२६ महा०
Jain Education
भणियं जहा - एसो मम पवरवसभो एरिसदुत्थाममवत्थंतरं पत्तो ता तुम्हेहिं एयरस इमिणा रूवगसएण ओसहचरणाइचिंताए संमं द्वियवं एसो तुम्ह नासगो इव समप्पिओ मए, न सहा अन्ना कायवंति निरूविऊण सो मयहत्तरजणे मोयाविऊण वसहस्स पुरओ बहुं चारिं पाणियं च ससिणेहं खामिऊण य तं जहाभिमयं गओ धणदे - सत्थवाहो । सो यवसभो गाढवेयणाभिभूओ जेट्टमास दिणयरनिहुरकरोलिक लिओत्ति गिम्हुण्हतत्तमहियलडज्झमादेहो विरसमार संतो दिणं गमेइ, तंपि से तिणाइयं अवरगोरूवेहिं भक्खिज्जइ, सोऽवि चारिवारिरहियत्तणेण गाढवाहिपीडियत्तणेण य सदीणं दिसाओ अवलोएमाणो तणसलिलहत्थे तं पएसं बोलते जणे दहूण चिंतेइ - नूणं मम निमित्तं एए इममुवाहरतित्ति, लोगोऽवि तं अइकमित्ता नियनियकजेसु पयट्टर, एवं च सो वसभो पइदिणं तहादंसणविहलियासो, चम्मट्टिपंजरावसेसो एवं सो परिकप्पेइ - अहो महापाविट्ठो वजगंठिनिहुरमाणसो निग्विणो | चंडालविसेसो असचसंधो कलिकालकलिलकलुसिओ एस गामजणो जेण मम एवं दुहियस्स अच्छउ दूरे करुणाए तण्णपूलगाइदाणं जं तझ्या धणदेवसत्थवाहेण मम समक्खं जवसाइ जीवणमप्पियं तंपि गसिऊण ठिओत्ति । एवं च पइदिणं पओसमुहंतो अकामतण्हाए अकामदुहाए अकामतिद्यवेयणाए आउलीकयसरीरो महानगरदाहमज्झपडिओ इव देहदाहाभिभूओ मरिऊण तंभि चेव गामे अग्गुज्जाणे सूलपाणिनामो वाणमंतरी समुप्पन्नो, तहिं च उव वण्णो समाणो तहाविहं देवरिद्धिं पेच्छिऊण विमरिसिउमारद्धो - अहो मए पुत्रभवे किं दाणं दिन्नं ? किं वा तवं
tional
For Private & Personal Use Only
ainelibrary.org
