________________
Jain Education
य अणेण अध्पडिमरूवो भयवं भवणंगणगओ, तं च दहूण चिंतिउमारद्धो- अहो इमस्स महामुणिणो सरीरलावण्णया अहो निरूवमरूवया अहो सयललक्खणपडिपुण्णयो अहो पसंतायारत्तणं अहो सस्सिरीयत्तणं, निच्छियं न होइ एसो सामन्नगुणो, ता धन्नोऽहं जस्स मम गिहमणुपत्तोत्ति परिभाविंतो उच्छलियवहलपुलयजालो मुत्ताहलालंकिओ उट्ठिऊण परमायरेण घयमदुमिस्सं पायसं भगवओ पणामेइ, भयवंपि निच्छिदं चक्कंकुस लंछणलंछियं पसारेइ करकमलं ।
अह पाणिसंपुढे वंभणेण खित्तंभि पायसे पवरे । गयणयले सुरनिवहा ओयरि भत्तिभरभरिया ॥ १ ॥ वायंति के विजयदुदुहीओ अन्ने मुयंति कुसुमाई । चेलुक्खेवं केवि य करंति अन्ने थुणंति जिणं ॥ २ ॥ गंभीरगुरुगिराए अहो सुदाणंति केइ घोसंति । अच्छिन्नकणयधाराहिं हरिसिया के वरिसंति ॥ ३ ॥
सोऽवि गामलोओ तहाविहं पेच्छिऊण अच्छरियं । विहियहिययो सहसा जिणस्सगासं समल्लीणो ॥ ४ ॥ किं बहुना ? – भययं पायसलाभेण निधुओ माहणोऽवि कणगेण । विम्हियरसेण लोगो एवं जाओ महाणंदो ॥५॥ अह चम्मच खूहिं अपेहिजंतो पारिऊण भयचं अन्नत्थ विहरिओ । गामाणुगामेण परिभमंतस्स य सामिणो पवज्जासमय सुरक्खित्तकुसुमवासचन्नगंधवासियंमि सरीरे कयज्झंकाररवा निरंतरं परिमुक्कवणकुसुममयरंदा भमरनियरा पीडं उप्पायंति, चिरनिचूसणेण य किंचि अपात्रमाणा रोसेण नहेहिं विंधंति मुहेहिं खाईति, वसंतसमए
For Private & Personal Use Only
Jainelibrary.org
