________________
Jain Educat emational
सिहिणो सिहं व सारं फणिवइफणरयणचक्कवालव । एवं अपत्तपुत्रं गिण्हसु जिणदेसियं धम्मं ॥ ८१ ॥ युग्मम् इ भणिए सो चिंतेमारद्धी तिवजायसंवेगो । कह नियकज्जपसाहणपरम्मुहाणं गुणनिहीणं ॥ ८२ ॥ केवलकरुणारससायराण समगणियरायरोराणं । जाओ मइ पडिबंधो गुरुण खणदंसणे वावि ? ॥ ८३ ॥ युग्मम् निष्पुण्णेसुजणेसुं चक्खुंपि खियंति नेरिसा समणा । ता सव्वहेसि वयणं जुत्तं मह संपयं काउं ॥ ८४ ॥ विस्सं भरतलविलुलंतम उलिमह पणमिऊण गुरुचलणे । आणंदसंदिरंसूनयणो सो भणिउमादत्तो ॥ ८५ ॥ निक्कारणे कवच्छल ! भयवं नीसेससत्तताणपरा । आरोहेसु मभिहि सम्मत्तं भवविरत्तस्स ॥ ८६ ॥ ता गुरुणा जि भणियनीईओ नायजोग्गयगुणेण | चितुच्छाहप्पमुहपहाणसउणोवलंभंमि ॥ ८७ ॥ अरिहं देवो गुरुणो य साहुणो जिणमयं मयं तुज्झ । इय एवं आरोवियमाजम्मं तस्स सम्मत्तं ॥ ८८ ॥ भणिओ य वच्छ ! निव्वाणलच्छिवीयं मए इमं दिण्णं । संकाइदोसविरहेण सव्वहा ता जएज इहं ॥ ८९ ॥ धन्नोऽसि तुमं भय ! दुसय रुद्दमि भवसमुईमि । जेण तए जिणधम्मो तरणतरंडोवमो पत्तो ॥ ९० ॥ एयस्स पभावेणं पालिज्जतस्स सव्वकालंपि । जीवेहिं अणंतेहिं दुक्खाण जलंजली दिण्णो ॥ ९१ ॥ पयईऍ खणविणस्सरसंसारब्भव सुहस्स कज्जेणं । एयंमि मा पमायं काहिसि तं भद्द ! कइयावि ॥ ९२ ॥ अह सो नमिउं चरणे गुरूण भवभीयपाणिगणसरणे । हरिसभरबंधुरगिरं उदाहरित्या वयणमेयं ॥ ९३ ॥
।
For Private & Personal Use Only
w.jainelibrary.org
