________________
जं मिच्छत्तोदयओ अगुरुंपि गुरुं अदेवमवि देवं । धत्तूरिओव्य गेण्हइ लेटुं व सुवण्णवुद्धीए ॥ ५५ ॥ तेणं चिय पाणिगणो गणणाइकतवेलमणुभवइ । तं किंपि दुक्खनिवहं जं जाणइ केवली सम्मं ॥५६॥ इय भो देवाणुप्पिय ! मिच्छत्तं सयलदोसकुलभवणं । नीसेसदुग्गदुग्गइसंसग्गकरं लहुं चयसु ॥ ५७ ॥ सम्मत्तं पुण नीसेसदोसविरहियमसेससुहफलयं । जीवाण तिव्वजरमरणदुक्खवुच्छेयणसमत्थं ॥ ५८॥ जं मोहणिजपवलत्तविगमओ गुरुवसा सयं वावि । उल्लसई कल्लाणयवल्लीजलकुलतुलं व ॥ ५९॥ तत्तो अट्ठारसदोसवजिए जिणवरंमि पडिवत्ती। देवोत्ति समुप्पजइ निरवजा वजघडियन्व ॥ ६॥ सयमवि धम्मपरेसं सिद्धंतवियारणेक्ककसलेसुं । धम्मोवएसनिरएसु होज साहूसु गुरुबुद्धी ॥ ६१॥ ता जिणवयणायण्णणविण्णायसमत्थतत्तरयणस्स । विरमइ य मई लोइयधम्माउ कुवस्सयाउन्य ॥ ६२॥ अवगणइ गोपयं पिव दुग्गइदुहमयरभीसणावत्तं । कम्मजलुप्पीलाउलमरइरउदं भवसमुदं ॥ ६३ ॥ -सम्मत्युत्तमसन्नाह विहियरक्खो खणेण विक्खिवइ । सुहडोव तित्थियभडभडंपि मिच्छत्तसंगाम ॥ ६४ ॥ पासायस्स व पीढं पुरस्स दारं व मूलमिव तरुणो । बारसविहधम्मस्सवि आई किर्तिति सम्मत्तं ॥ ६५ ॥ इय भो एवं लक्खिय निरवेक्खो लोइएस मग्गेस । सहहणनाणसारं सरहसमणुसरसु सम्मत्तं ॥६६॥ ताहे भत्तिभरोणयभालयलमिलंतमउलकरकमलो । सोचा सो गुरुवयणं भत्तीए भणिउमाढत्तो ॥६७॥
Jain Educa
t
ional
For Private & Personel Use Only
CONw.jainelibrary.org
