________________
Jain Educatio
अभिरमइ, सो य देवो धिट्टिममवलंबिऊण आगामियमवायमविभाऊण य बालयरूवं विउविऊण सामिणा सद्धि रमिउमारद्धो, अह जिणेण वियक्खणत्तणओ पराजिया सवेऽवि बालगा पट्ठिए समारुहिऊण समाढत्ता वाहिउं, अह वाहि एसु सयलेसु तेसु समागओ सुरकुमारस्सवि वारओ, पणामिया तेण सहरिसं पट्टी, आरूढो य तत्थ वद्धमाणसामी, तओ सो देवो सामिभेसणङ्कं तं पिसायरूवं विउचित्ता पवडिउमाढत्तो, केरिसं पुण तस्स रूवं ? - खरफ| रुसा सूयश्वालसन्निभा से केसा घडीसंठाणसंठियं उत्तिमंगं उट्टियाकभलखलयमज्झं निडालबटुं कविलजडिललोमाओ भमुहाओ, मरुकूवयगंभीरं फुरंत पिंगलपभाजालं लोयणजुयलं, जमलचुलिमहलं चिविडं च नासापुडं, रुंदगिरिकंदरागारं कबोलमंडलं, घोडगपुच्छसच्छहाओ दाढियाओ, करहस्स व दूरपलंबिरं ओट्ठजुयलं, कुंजरस्स व वाहिँ निग्गया | कुडिलभीसणा दसणा, अनिलंदोलियपडायच चंचला निसियकरवा लदीहा जीहा, मुक्कखाणुसरिसा कंधरा, कोट्ठिगागुरुवाओ दोवि बाहाओ, सुप्पचप्पडं पाणिसंपुढं, सिलापुत्त गोवमाओ करंगुलीओ, पुराणसिप्पिपुडरुक्खा अंगुलीणं नहा, पयडनसाजालजडिलं पंसुयंतराले पसुत्तघोरंत विसहरं उरद्विपुंजरं, अलिंजरागारं उयरं, मुट्ठिगेज्झा ठाणद्वाणभग्गा कडी, वालुंकीफलपलंबिरा वसणा, करिवरंगप्परूढं मेढं, दीहवीभच्छाविवन्नरो मावलीपरिखित्तं तालतरुदीहरं जंघा - जुगं, नीसाहपत्थरविच्छिन्ना चलणा, कुद्दालदारुणा चरणंगुलीणं नहा । अवि यविगरालविर्डवियवयणकंदरुग्गिरियजलणजालोहं । चलणतलपहयभूयलचालियपासायसिहरग्गं ॥ १ ॥
ational
For Private & Personal Use Only
Jainelibrary.org
