________________
श्रीगुणचंद महावीरच ० ४ प्रस्तावः
॥ १२३ ॥
Jain Education
गच्छह तुम्मे सव्वत्थ नयरे तियचउक्कचचरेसु कयवरावणयणपुञ्चयं वारिवरिसपसमियरयमणहरेसु कुंकुमपिंजरियधरणियलेसु कुणह पंचप्पयारपुष्पपुंजोवयारं, अगुरुतुरुक्क कुंदुरुक्क धूव धूमंधयारियदिसिमुहाओ पट्ठह ठाणे ठाणे कणगधूवघडियाओ, पवरमणिमुत्ताजालरेहंतमज्झभागे नचततरुणीचरण किंकिणीकलरवाऊरियदिसिमुहे गायंतगायणजणे ऊसियविविहवेजयंतीसहस्सोवसोहिए समंतओ समुत्तुंग थोरथंभावलीसुसिलिटुलट्ठावबद्धे मंचाइमंचे संचएह, | पडिभवणदुवारं च विसिट्ठपठ्ठाणगपट्ठिए सहस्सपत्तपरमपिहियाणणे कुसुममालुम्मालिए सरसचंदणपंकपंडुरिओदरे विमलसलिलपुन्ने पुन्नकुंभे निवेसह, सयलपएसेसु य कहगतालायरनडपेच्छणयाइ पयट्टावेह, नयरदुवारेसु य नवचंदणमालाउ बंधेह, जूयसहस्सं चक्कसहस्सं च उन्भवेह, उस्सुक्कं उक्करं अचाडभडपवेसं ववगयधरणिजं माणवुडिजुत्तं विमुक्कचारगागारनिरुद्धा वराहकारिनरनियरं पुरं च कारवेहत्ति, जं देवो आणवेइत्ति सविनयं पडिणिऊण वयणं गया पुरिसा, सविसेसो य साहिओ नरिंदाएसो, तओ
हरिसपण चिरतरुणी रंगुलीगलियमुद्दियाजालं । जालुब्भड घयमहु सित्तसंतिहोमानला उलियं ॥ १ ॥ आउलिय चित्तमग्गणघणलाभनिमित्तविहियहलबोलं । हलबोलसवणधात्रियनरवइजणदिजमाणधणं ॥ २ ॥ घणवियरण सुण्णीकय निहाणपक्खित्ततियस तवणिज्जं । तवणिज पुंजपिंजरचीणंसुयचिंधसयरम्मं ॥ ३ ॥ रम्ममहीयलविलिहियपसत्थ सत्थिय सहस्ससोहंतं । सोहंत कंतपुरवरनरजणकीरंतमंगलं ॥ ४ ॥
For Private & Personal Use Only
श्रीसिद्धार्थकृतोजन्मोत्सवः
॥ १२३ ॥
Painelibrary.org
