________________
Jain Educatio
जम्मघरंमि पडिरूवं ओसोवणिं च अवणित्ता तिसलादेविसमीवे निसियावेइ, एगं च पवरं देवदूसजुयलं कुंडलजुयलं च ऊसीसगमूलंमि ठवेइ, एगं च पंचवन्नियरयणविच्छित्तिमणहरं जच्चकंचणविणिम्मियं लंबंतमुत्ताहलावचूलयं लंबूसयं भगवओ अभिरमण निमित्तं अवलोयंमि ओलंबे, जं अवलोयंतो जिणो सुहेण चक्खुक्खेवं करेइ, तओ सको वेसमणं आणवेइ - जहा भो ! सिग्धमेव बत्तीसं हिरन्नकोडीओ बत्तीसं सुवन्नकोडीओ बत्तीसं नंदाई बत्तीसं मद्दाई अन्नाणि य विवित्थूणि भगवओ जम्मणभवणे उवणमेहि, सोऽवि जंभगदेवेहिं सव्वं तहत्ति निघतेइ, पुणरवि देविंदो नियतियसेहिंतो सव्वत्थ एवं उग्घोसावेइ - भो भो भवणवइवाणमंतरजोइसियवेमाणिया देवा देवीओ य ! सुणंतु भवतो-जो किर तित्थयरस्स तित्थयरजणणीए वा असिवमणिटुं काउं संपहारेही तस्स अवस्सं अज्जगमंजरिव्व उत्तिमंगं सहस्सहा तडित्ति फुट्टिहित्ति, एवं च सव्वं काऊण विहिं भगवंतं पणमिऊण उप्पइओ नीलुप्पलसामलं गयणं पुरंदरो ॥
अह उग्गयंमि दियरे पगासीभूयासु सयलदिसासु बजिएसु गंभीरघोसेसु जयत्रेसु सुहपडिबुद्धा तिसला पेच्छइ सव्वालंकारविभूसियं पवरसुरहिपारियायमंजरी परिमलमिलंतालिवलयसामलियासरीरं सुरहिगोसीस चंदणरसकयंगरागं जिणेसरं, इओ य सिद्धत्थनरिंदो सहरिसपधाविएण चेडीजणेण साहियतिहुयणच्छेरय रूवसुयजम्ममहूसवो चेडीजणस्स अवणिय दासत्तभावो आसत्तवेणिबंछियत्थसमत्थरयणरा सिदाणजणियाणंदो भणइ, जह-भो पुरिसा !
For Private & Personal Use Only
jainelibrary.org
