________________
RSS RESEASTEGORCE
एआओ अट्ट दिसाकुमारीओ जिणाणुभावचलियासणाओ ओहिन्नाणेण जिणजम्मवइयरं नाऊण दिवविमाणारूढाओ सबिड्डीए जिणजणणिसमीवमागच्छंति, तिपयाहिणीकाऊण य जिणमायरं पराए भत्तीए थुणंति, कहं चिय?
तुम्ह महायसि ! रामाजणेकसिररयणविभमे नमिमो । पयकमलं निम्मलकोमलंगुलीपवरदलकलियं ॥१॥ इत्थीणं मज्झे चंगिमाए लद्धा तए पढमरेहा । तुमए चिय निम्महिओ महिलालहुयत्तणकलंको ॥२॥ पुत्तवईणं मज्झे तुमए चिय पावियं विजयपत्तं । मिच्छत्तंधजणस्सालंबणहेऊ तुमं जाया ॥३॥ सरयनिसायरकरनियरहारगोरो जसो तुमाहितो। आसंसारं परिभमउ निब्भरं दससुवि दिसासु ॥४॥ मूढोचिय सुयपसवे परमाणंदं जणो समुबहइ । तुज्झ सरित्था धूयावि पुत्तकोडिंपि परिभवइ ॥५॥ तिहुयणपणमियचलणो जीए कुच्छिमि वाढमुबूढो । कलणाइकंतवलो चरिमजिणिंदो जयाणंदो ॥६॥ इय सुइरं जिणजणणिं पणमिय परमायरेण जपंति । देवि ! नहु भाइयवं अम्हे जं दिसिकुमारीओ ॥७॥ परमेसरस्स भुवणेकचक्खुणो जिणवरस्स एयस्स । निययहिगारऽणुरूवं जम्मणमहिमं करिस्सामो॥८॥
एवं भणिऊण तित्थयरजम्मणभवणस्स समंतओ जोयणपरिमंडलं भूभागं ववगयतणकट्ठपत्तकयवरं दुरुस्सारियासुइदुरभिगंधपोग्गलं तक्खणं विउविएणं मणहरेणं सबोउयकुसुमगंधाणुवासिएणं संवगपवणेणं काऊण भगवओ तित्थयरस्स तिसलादेवीए य अदूरे गायंतीओ चिट्ठति ।
Jain Education
a
l
For Private & Personel Use Only
Sanelibrary.org
