________________
Jain Education
रणो कयप्यावित्थरो विणयपणओ करकलियधूवदहणो सो विन्नविउं समाढत्तो - देवि ! ममेकं दोसं दासस्त व खमसु परिहरसु कोवं न पुणो काहामीमं, पणए न परंमुहा देवा, ताहे भणियं देवीए -रे तुमं जइ सुहेण पालिहिसि नियजणणिनिविसेसं एयं ता जीवसि हयास !, तेण तहत्ति सर्व्वं पडिवन्नं गाढभयवसट्टेण, उवसंहरियं देवीए डमरं असणंच गया । अह जाओ अणुकूलों पवणो, मग्गेण लग्गं जाणवत्तं, हरिसिया कन्नधाराइणो जणा, परितुट्टो सो वणिओ, पडिओ सङ्घायरेण चलणेसु सीलमईए, खामिया नियदुच्चरियं, भणिया य सा-सुयणु ! मा काहिसि सहा सोगं, अचिरेण तहा काहामि जहा मिलसि नियपिययमस्त, काराविया य पाणवित्तिं, समप्पिया निरुचद्दवनिवासनिमित्तमेक्का उवरिगा, तओ पइदिणं मायरं व भयणिव देवयं व गुरुं व सामिव वत्थेण य भोयणेण य भेसहेण य तंत्रोलेण य संमं पडियरमाणो पत्तो परतीरं, विकिणियाई निययभंडाई पाविओ भूरिअत्थसंचओ निवत्तियासेसकज्जो वलिओ सनयराभिमुखं, अंतरे आगच्छंतस्स अणणुकूलपवणपणोलियं लग्गं जयवद्धणनयर परिसरंगि बोहित्थं, तओ विमुक्का नंगरा पाडिओ सियवडो उत्तरिओ बहुकिंकरनरपरियरिओ सो वाणिओ, गओ विचित्ताइं महरिहाई परतीरभवाई पाहुडाई गहाय नरविक्कमनराहिवस्स दंसणत्थं, पडिहारनिवेइओ य पविट्ठो रायभवणं, दिट्ठो राया, समप्पियाई पाहुडाई, कओ राइणा सम्माणो, तओ समुद्दलंघणव इयरनिवेयणेण परतीरन यरराय सरूववत्ता कहणेण नियकयाणगगुणदोस पडणेण य ठिओ नरवइस्स समीवे पहरमेक, एत्थंतरे पणमिऊण विन्नत्तं तेण - देव ! सुन्नं पवहणं समागच्छइ
For Private & Personal Use Only
helibrary.org
