________________
पहइ, सावि समहिगदविणलोभेण तस्स चेवं दलयइ । अन्नया परतीरगमणनिमित्तं नाणाविहअमुल्लभंडभरियंजाणवतं ठावियं अणेण समुद्दतीरे, सावि भणिया, जहा-कल्लेऽहं परतीरे गमिस्सामि, तम्हा तुमे समुद्दतीरे अमुगंमि पएसे आगंतूण नीसेसाई कुंदवेइलनवमालईपाडलाइमुत्तयचंपयपमुहाई कुसुमाई समप्पेजासि, अहं ते चउग्गुणं मोल्लं. दवाविस्सामि, पडिवन्नं च तीए हट्टहिययाए, न मुणिओ कोऽवि परमत्थो, बीयदिवसे गया समग्गकुसुममालाओ गहिऊण निद्दिदृट्ठाणे, दिट्ठो सो वणिओ जाणवत्ताधिरूढो, पणामियाई तीए कुसुमाइं, पसारिओ तेण हत्थो, तीएवि समप्पणं(णत्थं)पलंबिया मुणालकोमला नियभुयलया, तेणवि हरिसभरनिब्भरंगेण सकुसुममाला चेव गहिऊण आरोविया सीलवई जाणवत्ते, उक्खित्ता उवरिगाए, एत्थंतरे वजावियाई मंगलतूराई पयट्टियं पवहणं विमुका सियवडा वाहियाई आवलयाई चंडगंडीवविमुक्ककंडंव वेगेण गंतुं पवत्तं जाणवत्तं । इओ यसो नरविकमकुमारो अञ्चतं तदणाग-1 मणकालविलंबुधिग्गचित्तो इओ तओ सीलमई पलोइउं पवत्तो, तं अपेच्छमाणेण य तेण पुठ्ठा पाडिवेसिया, अवलोइओ रायमग्गो, सम्मं निरिक्खिया तियचउक्कचचरा, अवलोइयाई सयलदेवउलभवणकाणणाई, निवेइया वत्ता पाडलयमालागारस्स, तेणावि सघायरेण गवेसिया सीलमई सबट्टाणेसु, कत्थविय पउत्तिमपावमाणेण सिग्धमेव नियत्तिय है। भणिओ कुमारो-महायस! धीरो भव, परिचयस कायरतं. कुमारेण भणियं-भद्द!न किंपि मम कायरत्तं, केवलं एए बालए जणणीविओगवसविसंटलं रोयमाणे न सकेमि पेच्छिउं. पाडलेण भणियं-एवं ठिएवि पुरिसाय(सयार)त्तं कायचं, ता
Jain Educati
mational
For Private & Personel Use Only
jainelibrary.org
