________________
Jain Educa
अइवेगुच्चालियकन्नतालविद्दवियभसलउलो अइरभसभरपहावण सपक्खकुलसेलचल्लिकयसको दढदंतदंडताडण ढलढलियट्टालयसमूहो करचायदंतवेहणचरणुप्पीडणनिवाडियजणोहो सन्वत्थ भ्रमइ भीमो जमोन्य जुगविगमसमयंमि, अह मंदरम हिजमाणमहोय हिघोसघोरे समुच्छलिए तियचउक्कचचरेस जणाणं अकंदियरवे पुच्छियं नरवइणा - भो भो किमेवं नयरे कोलाहलो सुम्मइत्ति ?, जणेण भणियं देव ! एस तुम्ह जयकुंजरो भग्गालाणखंभो नयरं विद्दवेइ, एवं सोचा विसज्जिया कुमारपमुहा पहाणलोया जयकुंजरगहणनिमित्तं भणिया य- अरे ! सव्वहा सत्थघायं परिहरं - तेहिं एयस्स वट्टियन्वं, एवं च पडिवज्जिय गया ते तदभिमुहं, न य पेच्छंति कमवि उवायं जेण हत्थी वसमुवगच्छइत्ति, एत्थंतरे बेलामासवत्तिणी गुरुगन्भभारवसविसंडुलनिवडंतचरणा गाढपाणभयकंपंतसरीरजट्ठी इओ तओ य धावंती एगा कुलंगणा दिट्ठा जयकुंजरेण, तओ उलालियकरग्गो पचणयेगेण धाविओ तीसे अभिमुहो, सावि कुंजरं तहा सिग्घमागच्छंतं पेच्छिऊण सज्झसभरनिरुद्धपयप्पयारा कलुणाई दीणाई विलविउं पयत्ता, कहं चिय ? - हे माइ भाय ताया तायह मं मा उवेक्खह इयाणिं । एसो मम वहणट्ठा दुटुकरी पासमल्लियइ ॥ १ ॥ हं हो पेच्छगलोया ! निक्करुणा करिवरं पडिक्खलह । गुरुगच्भभरकंता एसा संपइ विवज्जामि ॥ २ ॥ अह कहं पावकरी एसो सो आगओ मम समीवे । निस्सरणा नित्ताणा कमुवायं संपइ सरामि ? ॥ ३ ॥ किं कोऽवि महापुरिसो परोवयारत्थधरियनियपाणो । एत्थ न पेच्छइ सहसा मं दुक्खत्तं विणस्संतिं ॥ ४ ॥
mational
For Private & Personal Use Only
www.jainelibrary.org
